Alderdi Nazional Faxista

Alderdi Nazional Faxista
Datuak
Mota	alderdi politikoa eta fascist party (en)
Herrialdea	Italiako Erresuma
Ideologia	faxismoa, italiar faxismoa, clerical fascism (en) , Korporatibismoa, nazional-sindikalismoa, Inperialismoa, Italiar nazionalismoa, antiliberalismoa eta Totalitarismoa
Kokapen politikoa	Eskuin-mutur
Jarduera
Kide kopurua	6.000.000 (1939)
Eskumendekoak	Opera Nazionale Dopolavoro (en)
Agintea
Lehendakaria	Benito Mussolini
Idazkari orokorra	Michele Bianchi
Egoitza nagusi	Milan;
Egoitza nagusi	piazzale della Farnesina, 1; Palazzo della Farnesina;
Prentsa-organoa	Il Popolo d'Italia (en)
Historia
Sorrera	1921eko azaroaren 9a
Aurrekoak	Fasci Italiani di Combattimento (en)
Ondorengoak	Alderdi Faxista Errepublikanoa
Desagerpena	1943ko uztailaren 27a
Koloreak

Alderdi Nazional Faxista (italieraz: Partito Nazionale Fascista, PNF) Italiako alderdi politikoa izan zen.

Fasci Italiani di Combattimento erakundearen ordezkaria, 1922ko urriaren 28ko Erromako martxaren ondorioz, faxistek boterea lortu zuten. Hauteskunde-legea bere alde jarri ondoren, 1924ko hauteskundeak irabazi zituen. 1928 eta 1943 artean Italiako alderdi bakarra izan zen. Alderdi Faxista Errepublikanoak ordezkatua izan zen.

Doktrina faxista

"Faxismoak kopurua baliogabetzen du. Ez du onartzen kopurua izatea gizartearen gidaria. Ezin du onartu aldian behin egiten diren hauteskundeetan ateratako kopuruak izatea gobernatzeko aukera.

Faxismoak berretsi egiten du gizakien desberdintasun ezabaezin, oparo eta ongilea. Gizakiak ezin dira berdindu sufragio unibertsala bezalako kanpo gertaera mekaniko baten bidez.

Erregimen demokratikoetan herriari, noizbehinka, subiranotasunarekin liluratzeko aukera ematen zaio (...). Faxismoak guztiz arbuiatzen du demokrazian nola nahasten diren berdintasun politikoa, arduragabekeria kolektiborako ohitura, eta zorionaren eta aurrerapen etengabearen mitoa. Baina demokrazia beste modu batera uler badaiteke, demokrazia bada herria Estatutik kanpo ez uztea, faxismoa honela defini dezake lerro hauen idazleak: ≪demokrazia antolatu, zentralizatu eta autoritarioa≫ (...)

Estatutik kanpo ez dago ez talderik (alderdi politiko, elkarte, nahiz sindikaturik), ez gizabanakorik. Beraz, sozialismoaren aurkakoa da faxismoa. Sozialismoak mugimendu historikoa klase-borrokara murrizten du eta Estatuaren batasuna ukatzen du, Estatuak, berez, klase guztiak bloke ekonomiko bakar batera biltzen dituen bitartean (...)"

Benito Mussolini, "Faxismoaren doktrina". 1932

Fraseologia faxista

«Jakin behar duzu faxistak, eta batez ere milizianoak, ez duela betirako bakean sinetsi behar.»

«Espetxeko egunak ongi merezitakoak dira beti.»

«Aberriari mesede egiten dio baita gasolina-ontzi bat zaintzen ari denak ere.»

«Zure kideak anaiak dira. Lehenenik, zurekin bizi direlako, eta gero, zuk bezala pentsatzen dutelako.»

«Mosketoia, kartutxoentzako uhala, etab. ez zaizkizu eman astialdian hondatzeko, baizik eta gerrarako gordetzeko.»

«Sekula ez duzu esango «Gobernuak ordaintzen badu!», zu zeu zarelako ordaintzaile, zuk nahi zenuen gobernua duzulako eta zuk babesten duzun gobernua delako.»

«Diziplina da armadaren eguzkia: diziplinarik ezean, ez dago soldadurik, nahasmendua eta hondamena baizik.»

«Mussolinik beti dauka arrazoia.»

«Boluntarioak ez du aitzakiarik, eta beti betetzen du agindua.»

«Gauza bat preziatu behar duzu ororen gainetik: Duce-aren bizia»

Faxista gazteen 1928ko dekalogotik ateratako aipamena.