Belar-gurdia (John Constable)

Belar-gurdia (John Constable)
Jatorria
Sortzailea(k)	John Constable
Sorrera-urtea	1821
Izenburua	The Hay Wain eta The Hay Wain
Mugimendua	erromantizismoa
Ezaugarriak
Materiala(k)	olio-pintura eta Margo-oihala
Dimentsioak	130,2 () × 185,4 () cm ;
Genero artistikoa	paisaia margolaritza
Egile-eskubideak	jabetza publiko
Deskribapena
Iconclass	25H, 47I1451, 34B11, 46C1411, 46C13141(+75247) eta 25I
Kokapena
Lekua	National Gallery
Bilduma	National Gallery
Inbentarioa	NG1207
Historia
Erakusketak	Europeana 280; Salon of 1824 (en)
kronologia

Belar-gurdia^[1] (ingelesez: The Hay Wain) John Constablek 1821ean egindako margolana da.

Egun ospe handiko margolana izan arren, Ingalaterrako Errege Akademian 1821ean estreinako aldiz erakutsi zenean, ezin izan zuen eroslerik topatu. Frantzian harrera beroagoa izan zuen, Théodore Géricaultek goraipatu baitzuen.

Nolakoa

Stour ibaiaren ondoan dagoen errota bat atzean duela, gurdi bat ageri da konposizioaren erdian. Izena gorabehera, gurdi zahar hori hutsik dago. Bi pertsonak daramate, ibaiaren erdian. Atzean, belar soroak daude, argi epelaren azpian.

Nola

Ikusi bezalakoak irudikatzen zituen paisaiak Constablek, xume eta xalo, idealizaziorik egin gabe. Natura haietan, gizakiak, animaliak eta paisaiak harmoniatsu bizi dira. Constableren beste lanetan bezala, zeruaren eta argiaren akabera da goraipatzekoa. Hemengo honetan, Ingalaterrako zeru tipikoa dugu, hodeiez estalia baina atertu berria.

Koadroa hobeki egitearren, Constablek aire zabalean hainbat estudio egin zituen lehenago, margolan hau osatzen duten elementuak banan-banan aztertzeko. Estudio horietan pintzelkada arin-arina da, geroago inpresionistek eginen zuten bezalakoa. Edonola ere, azken bertsiorako, Constablek pintzelkada klasikoa erabili zuen, Arte Ederretako Akademiak agindutako printzipioei jarraituta.