Ziklotaxi
(«Bizitaxi» orritik birbideratua)
Ziklotaxia eskala txikiko tokiko garraiobide bat da, pedalei eraginda mugitzen den triziklo edo ibilgailu bat, zeinean gidariak bidaiari bat edo bi eraman ditzakeen. Alokairuko ibilgailu gidariduna da, beraz. Batez ere ezagunak eta erabiliak dira Hegoaldeko, Hego-ekialdeko eta Ekialdeko Asian, non rickshaw ibilgailuaren eboluzio baten gisa har daitezkeen. Indar elektrikoz lagundutakoak ere badaude.
Munduan zehar hainbat izenekin ezaguna da zerbitzua:
- velotaxi (batez ere Alemanian)
- bikecab
- cyclo (edo Xich lo) Vietnam eta Kanputxean.
- pedicab (batez ere Erresuma Batua, AEB eta Kanadan.
- bike taxi (erabiltzen Buffalo, New York)
- bicitaxi (Mexikon)
- trishaw
- beca (Malaysian)
- becak (erabiltzen Indonesian)
- traysikad, trisikad, sikad edo padyak (Filipinetan)
Euskal Herrian babes publikoa izan duen Txita izeneko zerbitzu pribatua martxan jarri izan da 21. mendean[1] Donostian. Pertsonak garraiatzeko gain, merkantzietarako bertsio bat ere badu Txita zerbitzuak[2]. Gasteizen eta Bilbon Bizitaxi izeneko zerbitzuak ere badaude[3][4].
Erreferentziak
[aldatu | aldatu iturburu kodea]- ↑ Donostiamovilidad.com. «Txitak» www.donostiamovilidad.com (Noiz kontsultatua: 2018-08-30).
- ↑ «Zerbitzuak garraio eta komunikazioa | Txita» txita.adoxnet.net (Noiz kontsultatua: 2018-08-30).
- ↑ (Gaztelaniaz) «Una noche en BiziTaxi por Bilbao – Chavinandez, Fotografía de viajes» www.chavinandez.com (Noiz kontsultatua: 2018-08-30).
- ↑ «Bizitaxi» www.adbikers.com (Noiz kontsultatua: 2018-08-30).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1362895
Multimedia: Cycle rickshaws / Q1362895