Carla Bley

Carla Bley
	; (2012) Irudi gehiago
Bizitza
Jaiotzako izen-deiturak	Lovella May Borg
Jaiotza	Oakland, 1936ko maiatzaren 11
Herrialdea	Ameriketako Estatu Batuak
Heriotza	Willow (en) , 2023ko urriaren 17a (87 urte)
Heriotza modua	berezko heriotza: garuneko minbizia
Familia
Ezkontidea(k)	Steve Swallow (en) ; Paul Bley (mul) (1957 - 1964); Michael Mantler (en) (1965 - 1991)
Seme-alabak	ikusi Karen Mantler (en) ;
Hezkuntza
Hizkuntzak	ingelesa
Jarduerak
Jarduerak	musikagilea, orkestra zuzendaria, jazz pianist (en) , disko-ekoizlea, estudioko musikaria, musika-talde gidaria, jazz musikaria eta piano-jotzailea
Jasotako sariak	ikusi John Simon Guggenheim Memorial Foundation beka (1972) ; NEA Jazz Masters ; [[]] (2012) ;
Kidetza	Arteen eta Zientzien Ameriketako Estatu Batuetako Akademia; Liberation Music Orchestra
Genero artistikoa	jazza
Musika instrumentua	Hammond organoa; pianoa
Diskoetxea	ECM Records (en)
	wattxtrawatt.com

Carla Bley (Oakland, Kalifornia, 1936ko maiatzaren 11 – Willow, New York, 2023ko urriaren 17a) estatubatuar jazz-musikagilea, piano-jotzailea eta abeslaria izan zen. Abeslari baino gehiago, musikagile eta orkestra-zuzendari gisa nabarmendu zen Carla Bley. Aita ere musikagilea zuen, eta harekin ikasi zuen pianoa. Oso gazterik, familia utzi, eta bere partiturak saltzen eta piano-clubetan jotzen atera zuen bizimodua. Ondoren, New Yorkera joan zen. Han, zigarroak saltzen zituen jazz-areto batean. New Yorken, Paul Bley piano-jotzailea ezagutu zuen, eta harekin ezkondu zen 1957an. Carla Bleyren lanak asko gustatu zitzaizkien senarraren lagunei, eta musikari profesional bihurtu zen 1964an. Carla Bleyren karrera free-jazz joeraren sorrerarekin batera abiatu zen, eta mugimendu horretako musikari nagusiekin lan egin zuen, hala nola Pharoah Sandersekin. Alabaina, bere estiloa sortu zuen berehala, hainbat joera nahasten zituena. Bleyk, europar inpresionistek bezala, esperimentuak egin zituen masa soinudunekin, eta Amerikako herri-tradizioa baliatu zuen bere obretan. 1980ko hamarraldian, Steve Swallow ezagutu zuen, eta, horregatik, beharbada, rock-musikaren aldera jo zuen garai horretan. Orkestra handiak zuzentzen jarraitu zuen, baina talde txikiagoekin saioak eginez aldi berean. Aipagarria du, besteak beste, Escalator Over The Hill jazz-opera.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.