Doraemon

Doraemon
Irudi gehiago
Jatorria
Egilea(k)	Fujiko F. Fujio (en)
Argitaratze-data	1969
Estreinaldi-data	1969ko abenduaren 1a
Izenburua	ドラえもん
Jatorrizko herrialdea	Japonia
Argitaletxea	Shogakukan
Ezaugarriak
Genero artistikoa	science fiction anime and manga (en) , komediazko anime eta manga, fantasiazko anime eta manga, abenturazko anime eta manga eta komedia-dramazko anime eta manga
Hizkuntza	japoniera
Zatiak	45 liburuki
Ekoizpena
Konpainia ekoizlea	Shin-Ei Animation (en) Nihon Terebi Dōga (en) [[Kategoria:Shin-Ei Animation (en) ekoitzitako liburuak]] [[Kategoria:Nihon Terebi Dōga (en) ekoitzitako liburuak]]
Emanaldia
Jatorrizko igorlea	Nippon Television TV Asahi (en)
Fikzioa
ikusi Doraemon, Nobita Nobi (en) , Takeshi Goda (en) , Suneo Honekawa (en) , Shizuka Minamoto (en) , Tamako Nobi (en) , Nobisuke Nobi (en) , Sewashi (en) , Dorami (en) eta Hidetoshi Dekisugi (en)
Fikzio-unibertsoa	Doraemon (en)
dora-world.com

Orri honetako testu zati batzuk japoniar idazkerarekin idatzita daude. Euskarri eleaniztun egokirik gabe, galdera ikurrak ikusiko dituzu kanji edo kana karaktereen ordez.

Doraemon (japonieraz: ドラえもん) , edo Doraemon, katu kosmikoa, Japoniako manga sail bat da, Fujiko F. Fujiok asmatua. Gero, askotan gertatzen denez, anime telesaila oso ezagun bilakatu zen.

Sailaren protagonista Doraemon izeneko katu robotiko kosmikoa da, Nobita Nobi umea laguntzera etorkizunetik (XXII. mendetik) iritsia. Doraemonek poltsiko magiko bat du, eta hortik XXI. mendeko makina bat tresna ateratzen du, Nobitari laguntzeko.

Euskal Herrian, telesaila euskaraz ETB 1 kanalak eman zuen lehendabizi, eta oso ospetsua da; orain ETB 3n ematen dute.

Manga 1969an hasi zen argitaratzen, Fujiko Fujio egile izena erabiliz. Izen horren atzean bi sortzaile ziren: Hiroshi Fujimoto (Iroshi Fujimoto, 藤本 弘) eta Motoo Abiko (Abiko Motoo, 安孫子 素雄). Motoo Abikok alde egin zuenean Fujiko F Fujio izenaz izenpetu zituen mangak Fujimotok.

Animearen lehen atalak 1973an agertu ziren. 1979an anime sail berri bat hasi zen, eta 2005ean hirugarren bati ekin zitzaion. Bai manga eta bai animea ere ekoizten ari dira gaur egun.

Doraemoni buruzko hamaika produktu egin dira. Manga eta animeaz gain, filmeak, bideo-jokoak, jostailuak eta musikal bat ere ekoitzi dira.

Pertsonaiak

Protagonistak Doraemon eta Nobita dira. Nobitaren arazoak eta Doraemonek haiek konpontzeko proposatzen dituen soluzioak dira atalen argumentu nagusia. Bi protagonista hauek eta bere lagunek osatzen dute pertsonaia nagusien taldea:

• Doraemon: etorkizunetik datorren katu itxurako robota da. Bere helburua Nobita laguntzea da. Horretarako makina eta tresna bitxiak gordetzen ditu bere 4 dimentsioko poltxikoan, sabelaldean. Jasankorra, lagunkoia eta azkarra da, baina ikaraturik dagoenean kontrola galtzeko joera du. Biziki gustatzen zaizkio dorayakiak.
• Nobita Nobi: 10 urteko mutiko betaurrekoduna da. Alferra, buruarina, traketsa eta ahula da, gehienetan. Liburuak gorroto ditu, komikiak salbu. Akats horiek gorabehera, normalean zintzoa eta adeitsua da, gaiztotasunik gabea.
• Shizuka Minamoto: Nobitaren lagunik onena da, eta mutikoaren maitasunaren fokua. Neskatila goxoa, garbia, esanekoa eta langilea da.
• Takeshi Goda ("Erraldoi"): Nobitaren ikaskidea, handia eta indartsua da. Bere indarra baliatzen du nahi duena lortzeko, askotan lagunak jo zein mehatxatuz. Izaera zapaltzailea duen arren, lagunak babesteko prest ageri da kanpoko mehatxuen aurrean. Kantatzea asko maite du, ikaragarri gaizki egiten duen arren.
• Suneo Honekawa: Nobitaren ikaskidea, txikia eta maltzurra. Gurasoak aberatsak ditu, eta maite du besteen aurrean hori dela eta harrotzea. Koldar xamara da eta ez ditu abenturak gogoko. Ordea, nahiko azkarra da eta maltzurkeriaz eta ingurukoak manipulatuz lortu ohi du nahi duena.

Hauez gain, hala ere, badira askotan agertzen diren beste pertsonaia batzuk: eskolako irakaslea, zuzendaria, Nobitaren eta haren lagunen familia-kideak...

Animearen ahotsak eta bikoizketa

Irusoin da animea euskarara bikoizten duena. Bikoizle eta aktoreak honakoak dira:

Pertsonaia	Jatorrizko ahotsa	Bikoizlea
Doraemon	Nobuyo Oyama	Ane Aseginolaza
Nobita	Noriko Ohara	Arantxa Moñux
Shizuka	Michiko Nomura	Begoña Huegun
Takeshi	Kazuya Tatekabe	Iñigo Puignau
Suneo	Kaneta Kimotsuki	Nekane Sarobe
Tamako Nobi (Ama)		Dolores Diaz de Mendibil
Nobisuke Nobi (Aita)	Masayuki Kato	Martin Zabala

Telesaileko abestiak

Telesaileko kapituluen hasierako abestia, euskaraz

«

Goiz goizetan egunon eta gauetan gabon, Ilargiko leihoan, Nobita eta Doraemon. Zein pozik bizi diren amets batetik bestera, bere lagun eta adiskideekin batera. Katu kosmikoa magoa ere bada. Bai, egia da hori! Rom pom pom, GORA ta GORA beti, Doraemon [bis].

»

Bukaerako abestia, euskaraz

«

Alai gabiltza denok harantza ta honantza lore tartean pozik salto ta dantza. Halaxe gabiltza bai bilintzi-balantza, LARALALALA LARALALALA galdu gabe esperantza. Gizon helduak, beti serio umeak berriz noiznahi pio ta pio, eskuak eman elkarri maitasunez eta bizi gaitezen umore onez! Ai amona, ai-ai aitona, hementxe gaituzue bromaz-broma! Bertan dugu Tokio, urruti Erroma, guztiontzat bakea ta zoriona!

»

Kanpo estekak

• (Japonieraz) Webgune ofiziala
• (Japonieraz) Filmen webgune ofiziala
• Hasierako abestia entzungai
• Bukaerako abestia entzungai

• Datuak: Q235311
• Multimedia: Doraemon / Q235311

Artikulu hau telebistari buruzko zirriborroa da. Wikipedia lagun dezakezu edukia osatuz.