Garriga
Botanikan, garriga (okzitanierazko garriga hitzetik alboko hizkuntzetara hedatu den hitza) eskualde mediterranearretako, klima mediterraneoko berezko landare-formazioa da, maki ekosistematik gertu. Montpellierreko Nekazaritza Eskolaren arabera, garriga kareharrizko lurretan egon ohi da, eta maki ekosistema siliziodun lurretan. Garrigak eta makiak izen bakar batekin bil daitezke: sastrakadia. Gizakiaren ekintzak (gehiegizko artzaintzak eta suak) eragindako beste landare-komunitate batzuen degradazioaren ondorio dira. Habitat degradatua da, batzuetan artadiak eta erretako edo moztutako beste harizti batzuk ordezkatzen dituena.
Garaiera txikiko zuhaixkak eta batez ere sastrakadiz osatutako landaretza egoten da garrigetan. Eremu batzuk estali gabe geratzen dira. Landare espezie asko nahastuta topa daitezke: erromeroa, izpilikua, ezkaia, txilarra...
Garrigaren zenbait espezie
[aldatu | aldatu iturburu kodea]
Ekosistema hauetan ohikoak dira honako zuhaitz genero hauek: Quercus, Phillyrea edo Juniperus generoko espezie batzuk. Makiaren landareen artean, bestetik, hauek aipa daitezke:
- Ezkaia
- Txilar zuri (Erica arborea)
- Txara (Cistus laurifolius)
- Legeltxor (Pistacia lentiscus)
- Mirto (Myrtus communis)
- Cistus salviifolius
- Paperezko lorea (Helichrysum)
- Izpiliku min (Lavandula stoechas)
- Erromero (Rosmarinus officinalis)
- Isats arantzadun (Calicotome spinosa)
Irudiak
[aldatu | aldatu iturburu kodea]
.JPG)
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
