Georg Trakl

Georg Trakl
Irudi gehiago
Bizitza
Jaiotza	Salzburgo, 1887ko otsailaren 3a
Herrialdea	Austria-Hungariako Inperioa
Heriotza	Krakovia, 1914ko azaroaren 3a (27 urte)
Hobiratze lekua	Neuer Friedhof Mühlau (en)
Heriotza modua	suizidioa: droga-gaindosia
Familia
Aita	Tobias Trakl
Haurrideak	ikusi Grete Trakl (en)
Hezkuntza
Heziketa	Vienako Unibertsitatea Akademisches Gymnasium Salzburg (en) (1897 - 1905)
Hizkuntzak	alemana
Jarduerak
Jarduerak	poeta, idazlea eta farmazialaria
Lan nabarmenak	ikusi Grodek (en)
Mugimendua	espresionismoa
Genero artistikoa	olerkigintza antzezlana
Zerbitzu militarra
Parte hartutako gatazkak	Lehen Mundu Gerra
georgtrakl.de

Georg Trakl (Salzburgo, 1887ko otsailaren 3a - Krakovia, 1914ko azaroaren 3a) austriar poeta izan zen.

Farmazia-ikasketak egin zituen. 1914an, Lehen Mundu Gerran parte hartu zuen botikari gisa. Gerrak eragin handia izan zuen harengan, eta han ikusi zituen krudelkerien ondorioz buruko gaitz batek jota, erietxe militarrean sartu zuten. Droga gehiegi hartuta pozoiturik hil zen.

Traklen lana laburra, baina trinkoa da. Samurtasunaren nostalgia lehertzear den ekaitzaren etorrerarekin lotzen du, eta etengabea da harengan gaizkiaren obsesioa. Estilo zakarra eta bizia du oso, irudi bitxiez josia; koloreek, errealitatearekin batere zerikusirik ez dutenek, zentzu sinbolikoa dute, eta bere pentsamendua alegoria hertsien bidez ematen du. Rimbaud, Baudelaire eta sinbolista frantsesen eragina nabaria da haren lanetan. Haren obra batzuk: Totengan (1906, Arimen eguna); Fata Morgana (1906); Aus goldenem Kelch (1939); Gedichte (1913, Olerkiak); eta Sebastian im Traum (1915, Sebastian ametsetan).

Euskaraz

• Munduko Poesia Kaierak: Georg Trakl (Susa, 2014; itzultzailea: Anton Garikano Iruretagoiena). Poemen antologia bat.

Kanpoko loturak

• Munduko Poesia Kaierak: Georg Trakl, bildumaren zuzendari Beñat Sarasolaren hitzaurrearekin

Erreferentziak

Wikimedia Commonsen badira fitxategi gehiago, gai hau dutenak: Georg Trakl

• Datuak: Q78476
• Multimedia: Georg Trakl / Q78476