Jacques Demy

Jacques Demy
	; Irudi gehiago
Bizitza
Jaiotzako izen-deiturak	Jacques Louis Raymond Marcel Demy
Jaiotza	Pontchâteau, 1931ko ekainaren 5a
Herrialdea	Frantzia
Lehen hizkuntza	frantsesa
Heriotza	Parisko 14. barrutia, 1990eko urriaren 27a (59 urte)
Hobiratze lekua	Montparnasseko hilerria
Heriotza modua	berezko heriotza: HIESarekin loturiko arazogatik hildakoa
Familia
Ezkontidea(k)	Agnès Varda (1962 - 1990eko urriaren 27a)
Seme-alabak	ikusi Mathieu Demy;
Familia	ikusi Rosalie Varda (adopted daughter (en) );
Hezkuntza
Heziketa	École nationale supérieure Louis-Lumière (en)
Hizkuntzak	frantsesa
Jarduerak
Jarduerak	gidoilaria, dialogue writer (en) , kanta-idazlea, zinema ekoizlea, aktorea, errealizadorea eta film-zuzendaria
Altuera	1,69 metro
Jasotako sariak	ikusi Louis Delluc saria (1963) : Les Parapluies de Cherbourg; Urrezko Palma (1964) : Les Parapluies de Cherbourg;
Influentziak	Agnès Varda
Mugimendua	Nouvelle Vaguea

Jacques Demy (Pontchâteau, Loira Atlantikoa, 1931ko ekainaren 5a - Paris, 1990eko urriaren 27a) frantses zinemagilea izan zen.

Biografia

Zinemagintzako ikasketak egin ondoren, zuzendari-laguntzaile izan zen. 1950eko hamarraldiaren bukaeran, hainbat film labur egin zituen, horien artean Le Sabotier du Val de Loire (1956, Val de Loireko sabotaje-egilea) eta Le Bel Indifférent (1957, Eder axolagabea) nagusi. 1961ean Lola lehenengo film luzea egin zuen, Nouvelle vagueren urte ederren garaian. Film hunkigarria eta minbera da, eta Demyren ondorengo lanen oinarriak erakusten ditu; era berean, zinemagileak ametsaren eta errealitatearen arteko harremanaren inguruko kezkei buruzko gogoeta agertzen du. 1964an, Cannesko Jaialdian, urrezko domina jaso zuen, Les Parapluies de Cherbourg (Cherbourgeko aterkiak) musika-komediagatik. Hura izan zen Catherine Deneuverekin egin zituen lau filmetako bat. Hauek dira besteak: Les Demoiselles de Rochefort (1967, Rocheforteko andereñoak), Peau d'Âne (1970, Asto-azala) eta L'Événement le plus important depuis que l'homme a marché sur la Lune (1973, Gertakizun garrantzitsuena gizona Ilargian izan zenetik). 1969an États-Unis Model Shop egin zuen, Lola lanaren jarraipena. Lady Oscar (1979) lanaren ondoren, Jacques Demyk melodrama guztiz kantatuaren formula hautatu zuen, eta Une chambre en ville (Gela bat hirian) osatu zuen. Lan horrek izugarrizko arrakasta izan zuen. Bere azken lanetan, Parking (1985) eta Trois places pour le 26 (1988, Hiru leku 26entzat), musika, kantua eta dantza landu zituen. Hil ondoren, Agnès Varda emazteak omenaldi bat egin zion Jacquot de Nantes (1991) lanarekin.

Filmografia

Film laburrak

Film luzeak

Zuzendaria

1961 : Lola
1963 : La Baie des Anges
1964 : Les Parapluies de Cherbourg
1967 : Les Demoiselles de Rochefort
1968 : Model Shop
1970 : Peau d'Âne
1972 : The Pied Piper
1973 : L'Événement le plus important depuis que l'homme a marché sur la Lune
1978 : Lady Oscar
1980 : La Naissance du jour (telefilma)
1982 : Une chambre en ville
1985 : Parking
1988 : La Table tournante
1988 : Trois places pour le 26

Laguntzailea

1955 : Lourdes et ses miracles, Georges Rouquier
1956 : S.O.S. Noronha, Georges Rouquier
1960 : Le Voyage en ballon, Albert Lamorisse

Erreferentziak

Wikimedia Commonsen badira fitxategi gehiago, gai hau dutenak: Jacques Demy

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q312258
Multimedia: Jacques Demy / Q312258