Jaime Paz Zamora

Jaime Paz Zamora
	; Irudi gehiago
; 73. Boliviako presidentea
; Boliviako presidenteordea
Bizitza
Jaiotza	Cochabamba, 1939ko apirilaren 15a (85 urte)
Herrialdea	Bolivia
Familia
Haurrideak	ikusi Nestor Paz Zamora (en) ;
Hezkuntza
Hizkuntzak	gaztelania
Jarduerak
Jarduerak	politologoa eta politikaria
Jasotako sariak	ikusi Grand Officer of the Order of the Condor of the Andes ; Elisabet Katolikoaren Ordenaren lepokoa (1990) ;
Sinesmenak eta ideologia
Alderdi politikoa	Revolutionary Left Movement (en)

Jaime Paz Zamora (Cochabamba, Bolivia, 1939ko apirilaren 15a) boliviar politikaria da.

Biografia

Errepublikako lehendakari izan zen 1989tik 1993ra. Filosofia eta Politika Zientzietako ikasketak egin zituen. Boliviako lehendakariordetzarako hautagai izan zen 1980an Movimiento de la Izquierda Revolucionaria (MIR) alderdi sozialdemokrataren buruzagi gisa, Hernán Siles Zuazo lehendakari zela. Unión Democrática Popular (UDP) koalizioaren laguntza izan zuen MIRek, hain justu, komunistek eta bere osaba Víctor Paz Estenssoro eta Silesek sortutako Movimiento Nacionalista Revolucionario (MNR) alderdiak osatzen zuten koalizioaren laguntza. Irabazle atera zen arren, estatu-kolpe batek gobernua eskuratzea eragotzi zion 1982ra arte. Koalizio horrek berak Paz Estenssorori eman zion agintea 1985ean. 1989an, Alianza Democrática Nacionalista (ADN) alderdiarekin ituna egin ondoren, Boliviako lehendakaritza lortu zuen. 1997an, agintaldia bukatu eta lau urtera, berriro aurkeztu zen lehendakaritzarako hauteskundeetara, baina ADNko buru Hugo Banzerrek garaitu zuen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q555207
Multimedia: Jaime Paz Zamora / Q555207