Julius Erving
Julius Winfield Erving II (Roosevelt, New York, Estatu Batuak, 1950eko otsailaren 22a), saskibaloi zaleen artean ezagunagoa Dr. J ezizenaz, 1970 eta 1980ko hamarkadan nabarmendu zen saskibaloiko jokalari estatubatuarra izan zen. Bere ibilbide profesionala lehenbizi ABA ligan eta gerora NBA ligan garatu zen.
Ervingek bere kirol ibilbidean zehar hiru txapelketa, NBAko Jokalari Baliotsuenaren Saria lau aldiz, eta ABAko saskiratzaile onenaren saria hiru aldiz bereganatu zituen. ABA ligan Virginia Squires eta New York Nets taldeekin jokatu zuen, NBAan aldiz Philadelphia 76ers taldearekin. Saskibaloi profesionalaren historiako bosgarren saskiratzailerik onena da, ABA eta NBA ligetan denera 30.026 puntu lortu zituelarik.
Erving NBAko 50 jokalari onenetako bat bezala izendatu zuten eta 1993 urtea ez geroztik Basketball Hall of Fame aretoan dago. Bestalde, saskibaloiko birrinketen (slam dunk) antzindaria izan zen, Tomahawk izeneko bere birrinketa ospetsu bilakatu zuelarik.
Dr.J-ak saskibaloiaren historiarako jokaldi ahaztezin eta mitiko bat laga zuen: Baseline Move, hau saskirako sarrera ikusgarri bat zen, baloia esku batez zeramala taularen atzealdetik saskira hurbildu eta bere buruari bira emanaz saskiratzea era dotorean gauzatzen zuen.
Iruditegia
[aldatu | aldatu iturburu kodea]-
Julius Erving birriketa gauzatzeko unean. 1981.
-
Dr. J 2016an.
-
NBAko historiakohainbat jokalari mitiko, hauen artean Julius Erving.
Kanpo estekak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Julius Erving ![]() |