Lurgan

Lurgan an Lorgain Lurgan An Lorgain
herria
Irudi gehiago
Administrazioa
Herrialdea	Erresuma Batua
Herrialdea Lurraldea Lurralde Historikoa Konderria	Erresuma Batua Ipar Irlanda Ulster Armagheko konderria
Izen ofiziala	Lurgan
Jatorrizko izena	Lurgan An Lorgain
Posta kodea	BT66 eta BT67
Geografia
Koordenatuak	54°27′53″N 6°19′56″W
Altuera	80
Demografia
Biztanleria	25.069 (2011)
Informazio gehigarria
Telefono aurrizkia	028
Ordu eremua	UTC±00:00
http://www.lurgan-forward.com/ www.lurgan-forward.com

Lurgan (irlanderaz an Lorgain) Ipar Irlandako Armagheko konderrian dagoen udalerria da. 23.534 biztanlerekin (2001) konderriko hiri handiena izan arren Armagh da hiriburua.

Etimologia

Irlanderazko an Lorgain izenak "tibia itxurako muinoa" esan nahi du.

Geografia

Belfastetik 29 kilometro hego-mendebaldera kokaturik dago, Neagh aintziraren hegoaldeko ertzean. Eremua erabat laua da.

Historia

Gaeldarrek populaturiko lurrak ziren 1610an Ulsterraren kolonizazio prozesuan William Brownlow ingelesak lurrak jaso zituenean. 1619an gaztelua eta harresia eraiki zituen bertan eta 1639an Irlandako parlamenturako Armagheko ordezkaria bihurtu zen. 1641ko irlandarren matxinadan gaztelua eta harresia suntsituak izan ziren eta Brownlow eta bere familia preso hartzean McCanns eta O'Hanlon familiek eskuratu zituzten lurrak. Hala ere 1642an Lord Conwayren tropek herria berreskuratu eta Brownlowtarrak herrira itzuli ziren.

XVII mendearen bukaeran liho industria abiatu zen herrian. Jarduera honen erreferentzia izan da mendeetan zehar 1990 hamarkadan industriaren gainbehera iritsi zen arte, hein handi batean 1965ean ondoan eraturiko Craigavon herriagatik.

Ondasun nabarmenak

• Brownlow etxea: 1833an elizabetar estiloan eraikitako jauregia.
• Market Street: herriko kale nagusia, Irlandako zabalenetakoa.
• Udaletxe zaharra: 1868ko eraikina.
• Shankill parrokia
• San Pedro eliza

Iruditegia

• 
  Brownlow etxea
• 
  Shankill parrokia
• 
  San Pedro eliza
• 
  XIX mendeko liho lantegia

Kirolak

Lurganeko kirol nagusiak futbola (17 talde daude) eta futbol gaelikoa dira.

Hiritar ezagunak

• John Dill (1881-1944), Lehen eta Bigarren Mundu Gerratan britainiar komandantea.
• Neil Lennon (1971- ), futbolaria.

Kanpo estekak

• Lurganeko Webgune Ofiziala

• Datuak: Q1702713
• Multimedia: Lurgan / Q1702713