Maite Mutuberria

Maite Mutuberria
	;
Bizitza
Jaiotza	Eltzaburu, 1985 (38/39 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania; euskara
Jarduerak
Jarduerak	ilustratzailea
Lantokia(k)	Ipar Euskal Herria
Jasotako sariak	ikusi Etxepare saria (2013) : Gerrak ez du izenik;
	maitemutuberria.com

Maite Mutuberria Larraiotz (Eltzaburu, Nafarroa, 1985) ilustratzailea da eta Haur eta Gazte literaturako hainbat liburu ilustratu ditu eta hainbat sari eskuratu ditu alor horretan, azkena, Lazarillo Saria 2014an. Ikus-entzunezko komunikazioan Lizentziatua eta Ilustrazioan Goi-mailako Teknikaria da. 2022ko Euskadi Literatura Saria lortu du Ilustrazioaren kategorian, Irrimola (Ikaselkar, 2021) lanari esker.^[1]

Ilustratzaile ibilbidea

Familiatik datorkio eskulanetarako zaletasuna eta interesa, baina gehienbat bere aitona arotzarengandik datorkio interes hori. Ikus-entzunezko produkzioetan hasi zen eta, gaur egun, batez ere, hezkuntza eta Haur eta Gazte Literaturako liburuetan lan egiten du ilustratzaile gisa. Horien artean dira, besteak beste, Gerrak ez du izenik Haur eta Gazte Literaturako album ilustratua (Leire Bilbao. Pamiela), Etxepare saria irabazi zuena 2013 urtean, eta, helduentzako album ilustratua Zerua Berun (Cielo Plomizo, Castillo Suarez. Ibaizabal Argitaletxea), Peru Abarka sariaren irabazlea 2014 urtean.

Ilustrazio teknika

Maitek liburu asko ilustratu ditu eta liburuetako batzuekin sariak ere irabazi ditu. Bere teknikak sari horietan zeresana izan du. 2013an Etxepare Sarian, erabilitako koloreak asko nabarmendu ziren beste lanen artean. ^[2]

2014ko Lazarillo Sarietan aldiz, bere obren osaketa egokiak, trazu sinple eta freskoek eta testuaren eta ilustrazioen arteko konexioek, irakurketa anitzak sortzeak eman zion saria lortzea. ^[3]

Baina liburuez gain, beste alorretan ere lan asko egin izan ditu, horien artean "Karabin Karaban" 3D formulan burututako ilustrazio lanak adibidez. Bertan, garai bateko jolasei egiten die erreferentzia. Horretarako 3 dimentsiotako lanak sortu zituen akzioa ongi errepresentatzeko eta ikusleek berak eginiko lanetan hori ikusteko. Kutxa batzuk sortu zituen, eta kutxetako estalkia irekitzean jolas errealak erakustarazteko formak zeuden. Argiak ere jarri zituen, horien bitartez mugimendua ematen zien sortutako formei. Bere helburua jolasen magia transmititzea izan zen. ^[4]

Lanak

Arrats zapo bat (2024, Pamiela)
Barruko hotsak eta beste soinu txiki batzuk. Leire Bilbao / Maite Mutuberria (2021, Pamiela)
Kantu bat gara. Jon Maia / Maite Mutuberria (2021, Elkar)
Irrimola (2021, Ikaselkar)
Joemak eta polasak. Iñigo Astiz / Maite Mutuberria (2019, Elkar)
Lohia (2018, Pepitas de Calabaza)
Kantuz 1965-2015. Memoria eta desira. (2015, Elkar)
Apaiz gerrillariaren ezkutalekua. Ander Izagirre / Maite Mutuberria (2015, Elkar)
Zerua Berun. Castillo Suarez / Maite Mutuberria (2014, Ibaizabal)
Bizikleta lapurtu didate Aritz Mutiozabal / Maite Mutuberria (2014, Ibaizabal)
Cuento de Babia y Luna. Antonio Lombillo / Maite Mutuberria. (2014, Fundación Patrimonio Natural de Castilla y León)
Gerrak ez du izenik. Leire Bilbao / Maite Mutuberria (2013, Pamiela)
Zure denboraren truke. Uxue Alberdi / Maite Mutuberria (2013, Elkar)
Hizkuntzaren Keinua. Batzuen artean. (2012, Elkar)

Sariak

2022: Euskadi Literatura Saria, Ilustrazioaren kategorian
2014: Lazarillo Saria
2014: Peru Abarka Saria
2013: Etxepare saria
2011: Nafarroako Artista Gazteak lehiaketan finalista
2008: Nazioarteko Lehen Saria Ikus-entzunezko Komunikazioko lizentziaturan
2007: Sari berezia Ikus-entzunezko Komunikazioko lizentziaturan

Errefentziak

↑ Jaurena, Isabel. «Euskadi literatura sariak, Apaolaza, Bilbao eta Mutuberriarentzat» Berria (Noiz kontsultatua: 2022-10-13).
↑ «Etxepare Sariak» diariovasco.com.
↑ «Lazarillo Sariak» artediez.es.
↑ «3D ilustrazioak» iconi.es.

Kanpo estekak

Datuak: Q23907927

[1] Jaurena, Isabel. «Euskadi literatura sariak, Apaolaza, Bilbao eta Mutuberriarentzat» Berria (Noiz kontsultatua: 2022-10-13).

[diariovasco-2] «Etxepare Sariak» diariovasco.com.

[artediez-3] «Lazarillo Sariak» artediez.es.

[iconi-4] «3D ilustrazioak» iconi.es.

[1]

[2]

[3]

[4]