McDonnell Douglas
| McDonnell Douglas | |
|---|---|
 | |
| Datuak | |
| Izen ofiziala | McDonnell Douglas Corporation |
| Mota | aerospace manufacturer (en)  , Defentsa-kontratista eta entitate desagertua |
| Jarduera sektorea | aerospace manufacturer (en) , industria aeronautikoa, ingeniaritza mekanikoa eta aircraft construction (en) |
| Herrialdea | Ameriketako Estatu Batuak |
| Jarduera | |
| Eskumendekoak | UGS Corp. (en) |
| Enplegatuak | 63.000 |
| Ekoizpena | |
| Agintea | |
| Egoitza nagusi | |
| Legezko forma | akzio konpainia eta kapital irekiko enpresa |
| Jabea | Boeing |
| Historia | |
| Sorrera | 1967 |
| Sortzailea | |
| Ordezkatzen du | Douglas (en) eta McDonnell Aircraft Corporation (en) |
| Aurrekoak | Douglas (en) eta McDonnell Aircraft Corporation (en) |
| Desagerpena | 1996 |
McDonnell Douglas estatubatuar hegazkin-fabrikatzailea da. Bi konpainia handiren fusioaren emaitza da: McDonnell eta Douglas. Gaur egun mundu-mailan hirugarren konpainia da merkataritza-hegazkinen eraikuntzan, eta garrantzitsuenetako bat hegazkin militar eta espazialetan.
Douglas enpresa Donald Douglasek sortu zuen 1920. hamarraldian. Ospe handia lortu zuen Estatu Batuetako armadako zenbait pilotuk Douglas World Cruiser hegazkinekin munduari bira 175 egunetan eman ziotenean. Baina arrakastarik handienak hegazkin zibilak eginez eskuratu zituen, batez ere Boeing 247arekin lehiatzeko TWA konpainiarekin akordio bat sinatu ondoren. Horrela hasi ziren sortzen 1930. hamarraldian DC-1 iraultzailea eta haren ondorengoak. Garai hartan DB-7 Boston bonbaketari militarra ere egin zuen. Bigarren Mundu Gerra amaitzean, erreaktore eta koheteak egiten hasi zen. Lehen erreaktore militarra 1950ean atera zen, eta hamarraldi hartan garraiorako hegazkin militar gehiago ere egin zituen. B-707arekin lehiatzeko DC-8 erreaktorea sortu zuen, 1960an.
McDonnell enpresa, berriz, James McDonnellek eraiki zuen 1939an. 1945ean atera zuen lehen erreaktore militarra, XFD-1 Phantom (geroago FH-1 izenez ezagutua). Ondorengo modeloa, 1960ko F-4 Phantom ehiza-hegazkina, mito bihurtu zen. Bi enpresak 1967an elkartu ziren, Douglasen krisialdiaren ondorioz batez ere.
DC-10 hegazkina, B-747-arekin lehiatzeko sortua, konpainia berriak atera zuen. Horrez gainera, helikopteroak eta hegazkin militar eta espazialak ere egiten ditu.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]
Datuak: Q201815
Multimedia: McDonnell Douglas / Q201815