Nafarroako bandera

Nafarroako Foru Erkidegoko bandera

Erabilera

Proportzioa

2:3

Erabakia

1982ko abuztuaren 10a

Koloreak

Gorria

Nafarroako Foru Erkidegoko bandera Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 7.2 artikuluak ezarri zuen:^[1]

«

Nafarroako bandera gorria da, erdian armarria duela

»

Armarria aurreko atalak deskribatzen du:

«

Nafarroako armarria, hondo gorriaren gainean paraturiko urrezko kateez da, katemailaz osaturiko zortzi besoen elkargunean esmeralda bat dutela eta ororen gainean, berriz, Errege koroa, Nafarroako antzinako Erresumaren sinboloa.

»

Historia

Egungo bandera lehendabizikoz 1910ean deskribatu zuten hiru euskaltzalek: Kanpion, Altadill eta Oloritzek hain zuzen ere.^[2] Haiek kolore gorria aukeratu zuten, armarriaren zelaiaren kolorea zelako.

Nafarroako Erresuman ez zegoen berez Erresumaren bandera baizik eta erregearen ikurra. Hala ere, Martin Larraiotzek esanetan, jadanik XIV. mendean Paris konkistatzea saiatu zuten Karlos II.a Nafarroakoaren soldaduek txapela gorriak zeramatzaten^[3]. 1512an ere, Nafarroako konkistaren garaian, Fadrique Álvarez de Toledo Albako Dukearen kronista zen Luis Correak ere horrela zioen: aurrekaldean inoiz babesik gabe uztea zin egindako eta zenbait urrezko xarpak zituen bandera gorriztadun hirurehun lagun inguru zutik itxoiten zeuden^[4].

Bandera ofizialak

Espainiako Bigarren Errepublikakoa (1931-1937)
Frankismo eta Trantsiziokoa (1937-1981)

Bandera historikoa

Nafarroako errege-erreginen ikurra. Bandera hau oso erabilia da talde abertzaleen artean, bereziki koroarik gabeko bandera bat irudikatu nahi denean. Nafarroa Beherean ere erabiltzen da, Nafarroa Garaian erabiltzen denarekin kontrajarrita.
Nafarroako errege-erreginen ikurra (bertsio modernoa)
Nafarroako errege-erreginen ikurra (bertsio zaharra)

Beste banderak

Koroa eta armarrik gabeko bandera, ezker abertzaleak erabilia.
Nafar independentistek erabilitako bandera, batzuetan "INDEPENDENTZIA" hitza gehituz.
Nafarroako bandera (edo zutoihal heraldikoa) Frantziako erregeen armarrian (1589-1790)

Erreferentziak

Edukiaren zati bat Espainiako lege batetik hartu da. Testua jabari publikoa da eta ez du copyrightik, Espainiako jabetza intelektualaren legeko 13. artikuluaren arabera (ikus Espainiako Aldizkari Ofiziala, 97. zenbakia, 1996-04-22koa).