Odón Alonso

Odón Alonso
(2015)
Bizitza
Jaiotza	Bañeza, 1925eko otsailaren 28a
Herrialdea	Espainia
Heriotza	Madril, 2011ko otsailaren 21a (85 urte)
Hobiratze lekua	El Espino Cemetery, Soria (en)
Familia
Aita	Odón Alonso González
Hezkuntza
Heziketa	Madrilgo Goi Mailako Errege-Musika Kontserbatorioa
Hizkuntzak	gaztelania
Jarduerak
Jarduerak	orkestra zuzendaria, musikagilea eta soinu banda konpositorea
Jasotako sariak	ikusi Hijo Adoptivo de Soria Arte Ederretako Merituaren Urrezko Domina  (2005)
Musika instrumentua	biolina

Odón Alonso Ordás (La Bañeza, León, 1925eko otsailaren 28a - Madril, 2011ko otsailaren 21a) espainiar orkestra-zuzendaria izan zen. Madrilgo Kontserbatorioan musika-ikasketak egitearekin batera, Filosofia eta Letretako karrera egin zuen unibertsitatean. Gero, Sienan eta Vienan jarraitu zituen musika-ikasketak. 1952an hasi zen zuzendari-lanetan antzinako musikan espezializaturiko Solistas de Madrid taldearekin. 1956an, Zarzuelako Antzokia berriro zabaldu zenean, hango zuzendari izendatu zuten. 1968an, Espainiako Irrati-telebistako Orkestra Sinfonikoaren zuzendaritza eman zioten. Aldi berean, Madrileko eta Bartzelonako opera-sasoietan, Odón Alonso izan ohi zen zuzendari. Puerto Ricoko Orkestra Sinfonikoaren zuzendari titularra izan zen, bai eta Europako beste hainbat orkestratakoa ere. Bere errepertorioan, barrokoko oratorioak (Monteverdiren Vespro della beata Vergine, Händelen Teodora), erromantizismoko sinfoniak eta eszena-musika aurki daitezke. Musikariekin komunikatzeko zuen gaitasuna medio, koherentzia eta musikaltasun handikoak izaten ziren berak zuzentzen zituen interpretazioak. Hainbat sari jaso zituen, hala nola SGAEren ohorezko domina eta Frantziako Arte eta Letren Ordenako ofizial titulua. Soriako Musika Udazkena delako jaialdiaren zuzendari izan zen hil zen arte.

Erreferentziak

• Datuak: Q1405511