Potrotaino

Potrotaino
Datuak
Jatorria	Ordizia (Gipuzkoa)
Musika mota	Punk
Urteak	1984:
Produkzioa
Diskoetxea(k)	Tx; DDT ; Oihuka
Taldekideak
	Pedro ; Txapu; Estebi ; Maxi
Lehengo taldekideak
	Toño ; Anton ; Gorka
Informazio gehigarria

Potrotaino Ordizian (Gipuzkoa) 1984an sortutako punk musikako talde bat da.

Historia

Laukotetzat hasi ziren; baina, haien abeslaria (Toño) soldaduska egitera joan zenean, hirukotetzat jarraitu zuten. 1987an Hasta los cojones beren lehen maketa grabatu zuten. Maketa horren 1000 kopia baino gehiago saldu zituzten. Euskal Rock Erradikalaren eztandaren urteetan, garai onenean zegoen taldea, baina ustekabeko arazoek (Antonek taldea utzi zuen) taldea ia desagertzea ekarri zuten.

Hala ere, 1990. urtean bateria berriarekin (Gorka) eta maketa berriarekin (Beraien adierazpen askatasuna) bueltatu ziren.

1991ean lehen diskoa kaleratu zuten (Muerte al violador) laukotetzat. Disko hori beren inguruko Tx diskoetxeak kaleratu zuen, eta oso harrera ona izan zuen jendartean. LP formatuan 1000 diskotik gora saldu zituzten.

1994ean, DDT zigiluaren eskutik disko berria kaleratu zuten (Potrotaino). Disko horrekin zuzenekoak ematen ibili ziren Euskal Herrian zehar. Arazo batzuen ondorioz (Pedroren moto istripua eta Gorkaren osasun arazoak), ordea, zuzenekoak emateari utzi zioten.

2002an, bateria berriarekin (Maxi) La verdad comienza aqui diskoa plazaratu zuten, Oihuka diskoetxearekin.

Taldekideak

Hasierako Taldekideak

Pedro: baxua eta ahotsa

Toño: ahotsa

Txapu: gitarra

Anton: bateria

Muerte al violador eta Potrotaino diskoetako partaideak

Gorka: bateria

Pedro: baxua eta ahotsa

Txapu: gitarra

Estebi: gitarrra

La verdad comienza aquí diskoko partaideak

Pedro: baxua eta ahotsa

Txapu: gitarra eta ahotsa

Estebi: gitarra

Maxi: bateria

Diskografia

Potrotaino (autoekoizpena, 1987). Maketa

Beraien adierazpen askatasuna (autoekoizpena, 1990). Maketa

Muerte al violador (Tx, 1991). LPa

Potrotaino (DDT, 1994). LPa

Muerte al violador + Potrotaino (DDT, 2000). CDa

La verdad comienza aqui (Oihuka, 2002). CDa

Kanpo estekak

(Gaztelaniaz) Potrotainoren Myspace webgunea

Oihuka diskoetxearen webgunea

Datuak: Q12266172