René Jacobs

René Jacobs
	; (2011)
Bizitza
Jaiotza	Gante, 1946ko urriaren 30a (78 urte)
Herrialdea	Belgika
Lehen hizkuntza	frantsesa
Hezkuntza
Heziketa	Ganteko Unibertsitatea ; Sint-Lievenscollege (en) ; Sint-Barbaracollege (en)
Hizkuntzak	frantsesa
Ikaslea(k)	ikusi Carlos Mena;
Jarduerak
Jarduerak	orkestra zuzendaria, opera abeslaria eta musikagilea
Jasotako sariak	ikusi Gouden Penning (2007) ;
Genero artistikoa	musika klasikoa
Ahots mota	kontratenorra
Musika instrumentua	ahotsa

René Jacobs (Gante, 1946) belgikar kontraltoa, orkestra-zuzendaria eta musikologoa da. Goi-mailako ikasketak Ganteko Unibertsitatean egin zituen, eta musika eta kantua ikasi zituen aldi berean. Alan Curtisi esker, veneziar opera ezagutu zuen, Francesco Cavalliren Erismena kantatzeko enkargua eman baitzion hark. Gustav Leonhardt eta Alfred Dellerrek horretara bultzatuta, antzinako musikaz zaletu zen, eta kontraltoaren errepertorioa eta tinbrea indartzeko lanak egin zituen. 1977an, Concerto vocale taldea sortu zuen, eta talde horrekin italiar, frantses eta alemaniar errepertorio barrokoa aztertu zituen: Cavalliren La Calisto (1994) lanaren grabazioak oso kritika onak izan zituen. Schola Cantorum Basiliensiseko irakasle, Innsbruckeko Jaialdiko zuzendari artistiko eta antzinako musikako aholkulari (Berlingo Staatsoperren) izan da. Lan handia egin du antzinako partitura ahaztuak berreskuratzeko, bai kantari gisa bai orkestra-zuzendari gisa. Opera barrokoa ere lantzen du. 2011n, III. Traetta Saria eman dio Traetta Societyk Europako musika-ondarea berreskuratzeko egin duen lanagatik.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q433939