Santa María do Campoko kolegiata

Santa María do Campoko kolegiata
	Kultura ondasuna
	Irudi gehiago
Kokapena
Estatu burujabe	Espainia
Autonomia	Galizia
Probintzia	Coruñako probintzia
Galiziako udalerrien zerrenda	Coruña
Koordenatuak	43°22′15″N 8°23′34″W / 43.370833°N 8.392778°W
Historia eta erabilera
Erlijioa	katolizismoa
Elizbarrutia	Santiago de Compostelako artxidiozesi Erromatar Katolikoa
Arkitektura
Estiloa	arkitektura erromanikoa
Ondarea
BIC	RI-51-0000539

Santa Maria do Campoko Errege Kolegiata Coruñan dago (Galizia).^[1] 1931ko ekainaren 3an Interes Kulturaleko ondasun izendatu zuten.

Historia

Dokumentuetan jasota dago Ama Birjinaren Jasokundeari buruzko tenplu erromaniko bat zegoela 1208an. Eraikin horretatik kapera nagusia gordetzen da bakarrik.^[1] Gordetzen diren inskripzioen arabera, egungo eliza XIII. mendearen amaieran eta XIV. mendearen hasieran eraiki zen, eta 1302. urtean parrokia eratu zen. "Do Campo" deitzen zaio, antzina hiriko hormetatik kanpo zegoelako. Antzinatik, itsasoko gremioen eta merkataritzaren eliza izan zen.

1441. urtean, Santiagoko Lope de Mendoza artzapezpikuak eliza kolegiata gisa eraiki zuen. 1494ko martxoaren 24an abadia titulua eman zion Alexandre vi.a aita santuak, bulda baten bidez.

XVI. mendean Izarraren kapera eta Atariko kapera eraiki ziren, eta XVIII. mendean San Joserena. Tenplua handitu eta luzatzeko lanak mendearen amaieran hasi ziren, sakristia eraiki zenean, 1796an. Jose Elenalde maisuak egin zuen lan hura. Bataiategia 1812an amaitu zen.

1879an Juan de Ciórraga arkitektoari eskatu zioten fatxada zaharberritzeko. Urte horretan bertan hasi ziren eraisten Izarraren eta Atariaren kaperak, ataripea eta kapitulu-gelak. Obrak 1890ean gelditu ziren dirurik ez zegoelako, eta 1899an bukatu ziren, fatxada berrian jatorrizko fatxada gehituta. Hala ere, Ziorragak diseinatutako arkupea ez zen eraiki.^[2]

Deskribapena

Kolegiata hiru nabek osatzen dute, joera oxibala duen abside erdizirkularrean errematatuta. Galiziako erromanikoaren iraupena erakusten du, gotikoa ondo sartu arte. Fatxada nagusia XIX. mendekoa da, Cornideko jauregiaren aurrean kokatua dago eta arrosa-leiho bat du. Bere jatorrizko portada erromanikoaren gainean arku bat dago, zeinaren tinpanoa epifaniako eszena batekin apainduta baitago.

Iparraldeko ateko tinpanoa Santa Catarinaren irudi batekin apainduta dago, eta hegoaldekoa Santiago apostoluarekin edo eszena monastiko bat izan daitekeenarekin.^[1]^[3]

Kanpaien dorrea XV. mendeko oxibala da.

Barrualdean Deikundearen irudiak eta Santa Maria Magdalenaren taila nabarmentzen dira. Xoán Afonso de Prabio (1512) eta Xoán de Andeiroren hilobiak ere kontserbatzen dira. Kapera nagusian Fernando Bermúdez de Castro kolegiataren lehenengo abadearen (1494) hilobia dago, eta beste nabean Fernán Moularen eta Sancha Martínezen harrizko hilobi gotikoak daude (XIV. mendea).^[3]

Eliza eskalinata baten gainean altxatzen da, eta Galiziako kalbario zaharrenetako bat du ( XV. mendea).

Iruditegia

Barrualdea
Alboko atea
Gurutzea
Atariko tinpanoa

Erreferentziak

↑ ^a ^b ^c https://www.turismo.gal/recurso/-/detalle/3512/colexiata-de-santa-maria-do-campo?langId=gl_ES Aipuaren errorea: Invalid <ref> tag; name "turgalicia" defined multiple times with different content
↑ Fernandez Fernandez, Xose, La Iglesia Colegiata de Santa Maria del Campo de La Coruña, Recortables de La Coruña
↑ ^a ^b Laredo Verdejo, Xose Luis (1990), Galicia Enteira 7, Edicions Xerais

Kanpo estekak

Datuak: Q8347677
Multimedia: Real Colexiata de Santa María do Campo / Q8347677

[turgalicia-1] ttps://www.turismo.gal/recurso/-/detalle/3512/colexiata-de-santa-maria-do-campo?langId=gl_ES Aipuaren errorea: Invalid <ref> tag; name "turgalicia" defined multiple times with different content

[2] Fernandez Fernandez, Xose, La Iglesia Colegiata de Santa Maria del Campo de La Coruña, Recortables de La Coruña

[:0-3] Laredo Verdejo, Xose Luis (1990), Galicia Enteira 7, Edicions Xerais

[1]

[2]

[3]