Seymour Cray

Seymour Cray
	; (2013) Irudi gehiago
Bizitza
Jaiotza	Chippewa Falls, 1925eko irailaren 28a
Herrialdea	Ameriketako Estatu Batuak
Heriotza	Colorado Springs, 1996ko urriaren 5a (71 urte)
Heriotza modua	istripuzko heriotza: trafiko-istripua
Hezkuntza
Heziketa	Minnesotako Unibertsitatea ; Chippewa Falls High School (en)
Ikaslea(k)	ikusi Steve Chen (en) ;
Jarduerak
Jarduerak	ingeniaria, informatikaria, ingeniari elektrikoa, applied mathematician (en) eta enpresaburua
Enplegatzailea(k)	Control Data Corporation (en) ; Cray (en)
Jasotako sariak	ikusi IEEE Ernst Weber Engineering Leadership Recognition ; Howard N. Potts Medal (1979) ; National Inventors Hall of Fame (1997) ; Eckert–Mauchly Award (1989) ; W. Wallace McDowell Award (1968) ; Harry H. Goode Memorial Award (1972) ;

Seymour Cray (Chippewa Falls, Wisconsin, AEB, 1925eko irailaren 28a - Colorado, AEB, 1996ko urriaren 5a) estatubatuar ingeniaria eta konputagailugintzaren aitzindaria izan zen.

Biografia

Betidanik egon zen elektronikarekin liluratuta. Ingeniari baten semea zen eta goi ikasketak egiten zituen bitartean, elektrizitate ingeniaritzako laborategian ematen zuen denbora gehiena. Hobby gisa, mota guztietako elektrizitate tresnekin aritzen zen: irratiak, motor elektrikoak, zirkuitu elektrikoak, etab.

1943an, goi ikasketak amaitu ordukoxe, gerrara dei egin zioten. Lehenik, Europan ibili zen, Alemanian, eta gero, Filipinetan. Etxera itzuli eta berriro ikasten hasi zen berehala. 1950ean, Elektrizitate Ingeniaritzako Zientzia Batxilergoa amaitu zuen Minnesotako Unibertsitatean, eta urtebete geroago masterra egin zuen Matematika Aplikatuetan.

Crayk diseinaturiko lehen konputagailua 1103 Computer izenekoa izan zen. Denbora zen, konputagailu haien diseinuan, garrantzirik handieneko kontzeptua: lastertasuna. Atzetik zeukan enpresak konputagailu saltzen errazagoak egitea erabaki zuenean, Crayk argi zeukan berak zer egin nahi zuen: konputagailu zientifiko azkarrak diseinatzen jarraitu nahi zuen, eta hala, enpresa utzi eta Control Data Corporation enpresa abian jarri zutenetako bat izan zen. CDCn konputagailu arrakastatsuak sortu ondoren, 1972an, Cray konturatu zen eskala handiko konputagailu zientifikoen merkatua txikia gelditu zela, eta, CDC utzirik, Cray Research Inc. izeneko enpresa sortu zuen. Cray 1 izan zen lehenik atera zuen proiektua, baina Cray 2 izenekoaren diseinuak izan zuen arrakasta handiena. Cray 3 konputagailuak 500 MHz-tik gorako lastertasunean lan egin zezakeen, baina ez zen alerik ere saldu. Cray 4 izenekoa, berriz, aurrekoa baino bi bider lasterragoa zen, baina amaitu gabe geratu zen.

Errepideko istripu baten ondorioz hil zen Cray.

Kanpo estekak

(Ingelesez) Cray enpresaren webgunea

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q92765
Multimedia: Seymour Cray / Q92765