Songbird

Songbird
Jatorria
Argitaratze-data	2006
Azken bertsioa	2.2.0, Build 2453
Ezaugarriak
Hizkuntza	eleaniztuna
Euskarria	Microsoft Windows
Irakur dezake	Microsoft Windows, MacOS X eta Linux
Egile-eskubideak	copyrightduna
Lizentzia	GNU General Public License
Euskaraz
Euskaraz	Bai
	www.getsongbird.com

Songbird debaldeko multimedia erreproduktore eta nabigatzailea da. Nabigatzen ari zaren orrian aurkitutako multimedia edukia automatikoki ordenagailuan izango bagenu bezala exekutatzeko gai da. Edukia antolatzeko, SQLite erabiltzen duen multimedia edukien liburutegia ere badu.

Mozillaren XULRunner plataforma erabiltzen du eta Linux, Mac OS X eta Windows sistementzako eskuragarri dago 57 hizkuntzatan, euskara barne^[1].

Historia

Pioneers of the Inevitable ("Ezinbestekoaren aitzindariak" euskaraz), hau da, POTI Inc. taldeak, 2006 urtean sortu zuen Songbird. Izan ere lehen bertsioa (beta), 0.1 edo "Hilda" izenez ezaguna, 2006ko otsailaren 8an argitaratu zen. POTI -ko taldekideak lehenago Winamp, Netscape Navigator eta Mozilla Firefox bezalako proiektuetan ibili ziren lanean^[2]. Robert Lord-en kasua da hori, Songbirden sortzailea eta konpainiari izena jarri ziona^[3]. Dena den, 2008ko abenduaren 2rarte ez zen aurkeztu Songbird 1.0 "Genesis".

Sortu zenetik 3 urte igaro ondoren, 2009ko otsailean, Robert-ek utzi egin zion zuzendaria izateari beste lan batzuk egiten jarraituz^[4].

2010eko urtarrilean, Philipsek adierazi zuen Songbirden bertsio pertsonalizatu bat erabiliko zutela beraien audio-bideo erreproduktore eramangarrietako mota batzuetan^[5].

Ezaugarriak

Doakoa

Hainbat plataformetako beste erreproduktoreekin gertatzen den bezala (Winamp, iTunes, Banshee...), Songbird doakoa da. Baina, Songbird askea da, bere GPL lizentziak^[6] adierazten duen legez.

Gehigarriak

Erabiltzaileek gehigarriak instalatu ditzakete erabilgarritasuna hobetu eta ezaugarriak aldatuz. Gehigarri guzti hauek gehigarrien webgunean biltzen dira. Adibide batzuk: iPod-erako sostengua, LyricMaster abestien letrak lortzeko eta antolatzeko, Last.fm-rekin bat-egitea eta abar.

Gainera, erraza da Songbirden itxura aldatzea "lumak" izeneko gehigarriekin. Edonork sortu ditzake CSS (edo XUL) eta irudiekin lan egiteko tresna batzuez baliatuz, Photoshop edo GIMP adibidez.

0.4 (Cher) bertsioan bi luma lehenetsi zeuden:

Rubberducky (iluna).
Dove (argia).

1.1.2 (Hootie) bertsioko luma lehenetsia:

Gonzo.

1.4.3 (KoЯn) bertsioan, luma ilunago bat ezarri zen:

Purple rain.

Hizkuntzak

73 hizkuntza desberdin daude itzulpenaren etapa desberdinetan. Itzulpenaren %50 eginda dagoenean posible da Songbird hizkuntza horretan erabiltzea, euskararen kasua den bezala. 73 hizkuntza horietatik 57 inguruk betetzen dute baldintza hau^[1].

Bertsioen historia

Legenda:	Bertsio zaharra	Momentu honetako bertsioa	Etorkizuneko bertsioa

Gecko bertsioa	Bertsioa^[7]	Izena	Argitaratze data	Aldaketa garrantzitsuak^[8]
1.8	0.1	Hilda	2006ko otsailaren 6a
	0.1.1		2006ko otsailaren 22a	Erabiltzaile interfazea. Fitxategi mota gehiagorako sostengua.
	0.2		2006ko urriaren 17a	Plataforma-anitza. Hainbat hizkuntza.
	0.2.5		2007ko otsailaren 28a	Windows Media DRM audioen erreprodukzioa. FairPlay audioen erreprodukzioa. USB biltegiratze gailuen sostengua. iPod sostengua. Hizkuntzen deskarga automatikoa. SE-arekin integrazioa hobetu.
1.9	0.3	Bowie	2007ko urriaren 30a	Fitxa bidezko nabigazioa. API-a berregin. Gecko 1.9-era eguneratu.
	0.3.1		2007ko azaroaren 6a	Sei errore nagusi zuzendu.
	0.4	Cher	2007ko abenduaren 27a	Bistaratze panelak.
	0.5	Dokken	2008ko martxoaren 25a	Multimedia liburutegiko API-a. MTP gailuen sostengua.
	0.6	Eno	2008ko ekainaren 13a	Memoria eta errendimendua hobetu. Fitxategietan metadatuak idatzi.
	0.6.1		2008ko ekainaren 24a	Hiru errore nagusi zuzendu.
	0.7	Fugazi	2008ko abuztuaren 20a	Maketazioa eta lumak aldatu. Erreprodukzio-zerrenda jakitunak. Narrastu eta jaregin. Mac OS X PPC-rako sostengua utzi.
	1.0	Genesis	2008ko abenduaren 2a	GStreamer multimedia motorea plataforma guztietan
	1.1.1	Hendrix	2009ko martxoaren 10a	Karpetak jarraitu eta multimedia automatikoki inportatu. Album azalak lortzea. Erreprodukzioa normalizatu. Sailkatzea hobetu. Hutsunerik gabeko MP3 erreprodukzioa.
	1.1.2	Hootie	2009ko apirilaren 8a	Adabakia.
	1.2	Isan	2009ko ekainaren 18a	Liburutegiko fitxategiak automatikoki antolatu. Norabide biko sinkronizazioa iTunes-ekin. Last.fm irratia. 10 bandako ekualizadorea.
	1.3	Jackson 5	Ez zen aurkeztu	Biltegiratze gailuen sostengua. Formatu gehiagoren sostengua. MP4 eta ASF fitxategi formatuetarako metadatu sostengua. MP3 edo WMA formatuen kodetzea.
	1.4	Kanye	2009ko urriaren 19a	MP3 kodetzea. Gailu mugikorren firmware eguneraketak. CD erauzketa. CD-ari buruzko informazioa bilatu. Oharra DRM-ak kontrolatutako multimedia ez sinkronizatzean.
	1.4.3	KoЯn	2009ko abenduaren 23a	Luma berria. Gehigarrien diseinu berria. Gailu gehiagoren sostengua. Errore garrantzitsuak konpondu.
	1.5	Led Zeppelin	1.6 bertsioaren (Madonna) parte bezala aurkeztuko da	Bideo liburutegia. Bideo erreprodukzioa. Bideo metadatuak. Bideo gailuen sinkronizazioa. Errendimendua eta egonkortasuna. Hobekuntza orokorrak. Bideo kodetzea. Windows 7-aren sostengua.
	1.6	Madonna	2010eko otsaila	Bideo kodetzea. Firmware sostengua. Sareko ezarpenak inportatu. Gracenote metadatuak. Errendimendua eta egonkortasuna.

Erreferentziak

↑ ^a ^b Itzuli Songbird!. (Noiz kontsultatua: 2010-01-17).
↑ (Ingelesez) Songbirdi buruz
↑ (Ingelesez) Songbirdnest.com. (2008ko martxoa). (PDF) POTI Owner’s Manual. (Noiz kontsultatua: 2010-01-09).
↑ (Ingelesez) Digital Beat. (2009-02-21). Songbird, music player that wants to do everything, loses CEO. (Noiz kontsultatua: 2010-01-09).
↑ (Ingelesez) Stevel. (2010-01-08). Philips & Songbird. (Noiz kontsultatua: 2010-01-09).
↑ (Ingelesez) Lizentziari buruzko ohizko galderak. (Noiz kontsultatua: 2010-01-09).
↑ (Ingelesez) Bertsioak. (Noiz kontsultatua: 2010-01-17).
↑ (Ingelesez) Egitaraua. (Noiz kontsultatua: 2010-01-17).

Kanpo estekak

Songbirden webgunea
Songbirderako gehigarriak
(Ingelesez) Gigaom: elkarrizketa Rob Lord-ekin
(Ingelesez) Boing boing: elkarrizketa Rob Lord-ekin

Datuak: Q632028
Multimedia: Songbird (software) / Q632028

[translate-1] Itzuli Songbird!. (Noiz kontsultatua: 2010-01-17).

[2] (Ingelesez) Songbirdi buruz

[3] (Ingelesez) Songbirdnest.com. (2008ko martxoa). (PDF) POTI Owner’s Manual. (Noiz kontsultatua: 2010-01-09).

[4] (Ingelesez) Digital Beat. (2009-02-21). Songbird, music player that wants to do everything, loses CEO. (Noiz kontsultatua: 2010-01-09).

[5] (Ingelesez) Stevel. (2010-01-08). Philips & Songbird. (Noiz kontsultatua: 2010-01-09).

[6] (Ingelesez) Lizentziari buruzko ohizko galderak. (Noiz kontsultatua: 2010-01-09).

[7] (Ingelesez) Bertsioak. (Noiz kontsultatua: 2010-01-17).

[8] (Ingelesez) Egitaraua. (Noiz kontsultatua: 2010-01-17).

[1]

[2]

[3]

[4]

[5]

[6]

[7]

[8]