Tournai

Tournai Tournai
Belgikako udalerria
Irudi gehiago
Administrazioa
Estatu burujabe	Belgika
Belgikako eskualdea	Valonia
Province of Belgium	Hainauteko probintzia
Belgikako barrutia	arrondissement of Tournai-Mouscron
Alkatea	Paul-Olivier Delannois
Izen ofiziala	Tournai Doornik Tornai Tornacum
Jatorrizko izena	Tournai
Posta kodea	7500, 7540, 7543, 7532, 7548, 7536, 7520, 7504, 7530, 7522, 7503, 7534, 7531, 7521, 7501, 7533, 7502, 7538, 7542 eta 7506
Herriburua	Tournai (en)
Geografia
Koordenatuak	50°36′20″N 3°23′17″E
Azalera	213,75 km²
Altuera	24 m
Mugakideak	Estaimpuis, Toufflers, Sailly-lez-Lannoy, Willems, Baisieux, Camphin-en-Pévèle, Wannehain, Bachy, Rumes, Brunehaut, Antoing, Péruwelz, Leuze-en-Hainaut, Frasnes-lez-Anvaing, Celles eta Pecq
Demografia
Biztanleria	69.554 (2018ko urtarrilaren 1a) 1.354 (2008)
Dentsitatea	325 bizt/km²
Informazio gehigarria
Telefono aurrizkia	069
Ordu eremua	UTC+01:00
Hiri senidetuak	Troyes, Canterbury, Villeneuve-d'Ascq, Betleem eta Mogi das Cruzes
Hizkuntza ofiziala	frantses
tournai.be

Tournai (frantsesez: Tournai, tuʁnɛ ahoskatua; nederlanderaz: Doornik; latinez: Tornacum) Belgikako hegoaldean dagoen hiria, Valonian hain zuzen ere. Frantziako mugatik hurbil (Lilletik 26 km-ra) dago, Eskalda ibaiaren ertzean.

Arlon eta Tongresekin batera herrialdeko hiririk antzinetariko bat da, Erdi Aroan Flandriako nagusienetariko bat. Bere kanpandorrea eta katedrala UNESCOk Gizateriaren Ondare izendatuak dira.

Ekonomia

Industria (eraikuntzarako gaiak, ehungintza, metalurgia, tresneria elektrikoa eta mekanikoa) da ekonomia jarduera nagusia.

Ondarea

Monumentu ugari gorde ditu hiriak. Aipagarriak dira XII-XIV. mendeetako kanpandorrea, Escaut ibaiaren gaineko XIV. mendeko zubia, XIV. mendearen hasierako Apezpikuaren plaza, XII-XIII. mendeetako katedral gotikoa, Saint-Jacques eliza (XI-XIII. m.), Sainte-Marie-Madeleine eliza gotikoa (XIII-XIV. m.), XVII. mendean berritutako Saint-Piat eliza erromanikoa, XII. mendeko Saint-Brice eliza (XX. mendean berritua) eta Arkeologiako eta Arte Ederretako museoa.

Historia

Tornacum izena zuen erromatarren garaian, eta hiri garrantzitsua zen jada. III. mendean Piat santuak kristautu zuen hiria eta frankoen mende egon zen IX. mendean normandiarrek konkistatu zuten arte. XII-XV. mendeen artean Frantziaren barne egon zen. 1513. urtean Ingalaterrako Henrike VIII.ak inbaditu zuen eta ingelesen esku egon zen bost urtez. 1521. urtean Karlos V.ak konkistatu zuen. 1667. urtean Luis XIV.a Frantziako erregeak hiria gotor zezan agindu zion Vauban arkitektoari, eta errege haren agintaldian osatu zen, neurri handi batean, hiriko arkitektura. Austriarren eta frantsesen mende egon zen 1814. urtean Belgikako hiri bihurtu zen arte.

Tournaitar ezagunak

• Roger van der Weyden, margolaria (XV. mende)
• Guillaume de Melun, Espinoyko printzea (XVII. mende)
• Louis-François-Joseph de la Barre, historialaria (XVIII. mende)
• Albert Goblet d'Alviella, militar eta politikaria (XIX. mende)
• Jules Bara, politikaria (XIX. mende)
• Jean-Baptiste Noté, baritono (XIX. mende)
• Piat Sauvage, margolaria (XIX. mende)
• Louis Gallait, margolaria (XIX. mende)
• Bruno Renard, arkitekto (XIX. mende)
• Georges Rodenbach idazlea (XIX. mende)

Herri eta hiri senidetuak

• Troyes (Frantzia) (1951).
• Villeneuve d'Ascq (Frantzia) (1994).
• Tarija (Bolivia) (2005).

Kanpo estekak

• Webgune ofiziala

• Datuak: Q173219
• Multimedia: Tournai / Q173219