Victor Osimhen

Victor Osimhen
	; Irudi gehiago
Bizitza
Jaiotza	Lagos, 1998ko abenduaren 29a (25 urte)
Herrialdea	Nigeria
Hezkuntza
Hizkuntzak	ingelesa; Nigerian Pidgin (en)
Jarduerak
Jarduerak	futbolaria
Ibilbidea
	Parte-hartzailea 2019 Africa Cup of Nations (en) ; 2015 FIFA U-17 World Cup (en) ; 2023 Africa Cup of Nations (en) ; VfL Wolfsburg ; Charleroi ; Lille ; Società Sportiva Calcio Napoli ;
Posizio edo espezialitatea	aurrelaria
Kirol zenbakia	45
Pisua	78 kilogramo
Altuera	186 zentimetro

Victor James Osimhen, Victor Osimhen izenez ezagunagoa (Lagos, Nigeria, 1998ko abenduaren 29a) nigeriar futbol jokalaria da, erdi-aurrelari moduan jokatzen du Italiako Serie A-ko SSC Napoli taldean, eta baita Nigeriako futbol selekzio nazionalean ere.

Futbol jokalarien merkatuko balioetan espezializatutako Transfermarkt web orriaren arabera 70 milioi euroko balioa du.^[1] Gaur egun, kontinenteko aurrelari onenetarikoetako bat kontsideratuta dago, eta bere azkartasunak eta atearen aurrean erakutsi duen fintasunak hainbat kluben atentzioa erakarri du.^[2]

Aurrealdean Khvicha Kvaratskhelia georgiarrarekin osatzen duen bikotea Europako onenetarikoa dela esaten da.^[3]

Ibilbidea

Txikitatik bere herrialdean jokatzen hasi zen, Ultimate Strikers akademian hain zuzen ere, eta 2016ko urtarrilean, 17 urtez azpiko munduko txapelketaren ondoren, Wolfsburg taldearekin aurrekontratua sinatu zuen, 12 hilabeteren ondoren taldera batu zedin, 18 urte betetakoan. 2017tik 2019ra Victor Wolfsburgoko fitxarekin egon zen, baina lehenengoan bakarrik jokatu zuen taldearekin, bigarrenean Belgikako Charleroi taldera utzi baitzuten, denboraldi bukaeran erosteko klausula batekin. Azkenean denboraldi on bat egin zuen belgikako ligan, eta erosketa burutu zuten, 3,5 milioi euro ordainduta.

Hala ere, uda horretan bertan, 2019an, Lille frantziar taldeak jokalaria erosi zuen 12 milioi euro ordainduz. Covid-19 gaixotasunaren arrazoiagatik egin zen geldialdiaren aurretik erakutsi zuen maila bikaina izan zen, hainbat gol sartuz, eta horregatik 2020ko udako fitxaketa merkatuan eskaintza asko izango ditu.

Estatistikak

2023ko otsailaren 21ean eguneratua.
Kluba	Herrialdea	Urtea	Partida(k)	Gola (k)	Asistentzia (k)
VfL Wolfsburg	Alemania	2016-2017	3	0	0
		2017-2018	13	0	0
		Guztira klubean	16	0	0
R. Charleroi S.C.(utzita)	Belgika	2018-2019	36	20	4
R. Charleroi S.C.(utzita)	Belgika	Guztira klubean	36	20	4
Lille OSC	Frantzia	2019-2020	38	18	6
Lille OSC	Frantzia	Guztira klubean	38	18	6
SSC Napoli	Italia	2020-2021	30	10	3
		2021-2022	32	18	6
		2022-2023	24	20	4
		Guztira klubean	86	48	13