Volinia
| Volinia | |
|---|---|
.jpg) | |
| Mota | Ukrainian historical regions (en)  |
| Geografia | |
 | |
| Koordenatuak | 50°44′20″N 25°19′24″E / 50.7389°N 25.3233°E |
Volinia[1] (ukraineraz: Волинь, errusieraz: Волы́нь, polonieraz: Wołyń, lituanieraz: Voluinė edo Volynė, alemanez: Wolhynien edo Wolynien) edo Lodomeria ekialdeko Europako eskualde historikoa da, Mendebaldeko Bug eta Pripiat ibaien artean hedatzen dena. Gaur egun Ukraina, Polonia eta Bielorrusiaren artean banaturik dago. Zati handiena Ukrainako ipar-mendebaldean dago eta, administrazioari dagokionez, hiru oblastetan banaturik: Volinia, Zhytomyr eta Rivne.
Historia
[aldatu | aldatu iturburu kodea]Eslaviarren mende egon zen Galitziako lurralde bihurtu aurretik. 1200. urtean printzerriko hiriburua zen, eta 1253an Inozentzio IV.ak erreinu bihurtu zuen. Tartariarren gerran Lituaniaren eta Poloniaren artean banatu zuten Volinia. 1793tik 1795era bitarteko urteetan Errusiak beretu zuen, eta Poloniaren aurkako politika nazionalista bultzatu zuten bertan.
Errusiako Gerra Zibilean zenbait gudu izan ziren lurralde horretan, eta Rigako hitzarmenaren ondorioz (1921), Errusiaren eta Poloniaren artean banatu zuten. 1945ean Errusiaren mendean geratu zen. Sobietar Batasuna desegin zenean, Volinia Ukrainako parte izatera pasatu zen.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]
- ↑ Exonimia: Ukraina Euskaltzaindia.net