When Harry Met Sally...

When Harry Met Sally...
Jatorria
Argitaratze-data	1989
Izenburua	When Harry Met Sally
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	deskarga digitala eta eskatu ahalako bideo
Ezaugarriak
Genero artistikoa	komedia erromantikoa, Gabonetako filma eta film komikoa
Iraupena	90 minutu
Kolorea	koloretakoa
Grabazio lekua(k)	New York eta Chicago
Zuzendaritza eta gidoia
Zuzendaria(k)	Rob Reiner
Gidoigilea(k)	Nora Ephron
Antzezlea(k)
	Billy Crystal ; Meg Ryan ; Carrie Fisher ; Bruno Kirby (en) ; Franc Luz (en) ; Harley Jane Kozak ; Lisa Jane Persky (en) ; Michelle Nicastro (en) ; Steven Ford ; Tracy Reiner ; Connie Sawyer
Ekoizpena
Ekoizlea	Rob Reiner; Andrew Scheinman (en) ; Nora Ephron
Konpainia ekoizlea	Castle Rock Entertainment (en) ; Columbia Pictures
Edizioa	Robert Leighton (en)
Bestelako lanak
Musikagilea	Marc Shaiman
Argazki-zuzendaria	Barry Sonnenfeld
Jantzi-diseinatzailea	Gloria Gresham
Fikzioa
Kontakizunaren tokia	New York eta Chicago
Historia
Nominazioak	Jatorrizko gidoi onenaren Oscar Saria ; 62. Oscar Sariak ; Nora Ephron
	whenharrymetsallythemovie.com

When Harry Met Sally... (euskaraz Harryk Sally Topatu Zuenean...) 1989ko Rob Reiner estatubatuar zinema zuzendariaren amodiozko komedia bat da. Bertan, Billy Crystal, Meg Ryan, Carrie Fisher, Bruno Kirby, Steven Ford, Lisa Jane Persky eta Harley Jane Kozak aktoreek antzeztu zuten.

1989ko Jatorrizko gidoi onenaren Oscar Sariaren izendapena jaso zuen.

Film honetako eszenarik ahaztezin eta ospetsuena, Sally eta Harry Manhattango Katz's Delicatessen kafetegiko mahai batean elkarrekin gosaltzen dauden bitartean, Sallyk sexu orgasmo bat duelako antzezpena burutzen duenekoa da, bertako bezero eta zerbitzari guztiak nahiz Harry bera ahozabalik utziz. Eszenaren amaieran zerbitzari batek alboko mahaiko adindun emakume bati gosaltzen zein plater nahi duen galdetzean, honek Sallyren ustezko orgasmoa ikusi berritan hark ere Sallyk hartu berri duen platera nahi duela erantzuten dio, berak ere halako orgasmo zoragarria izateko itxaropenez.

Argumentua

Harry Burns (Billy Crystal) eta Sally Albright (Meg Ryan) Chicagoko Unibertsitateko bi ikasle gazte dira.

Egun batez bien arteko adiskideen bitartez elkar ezagutu, eta Sallyk Harry autoan New York hirira eramango du. Auto bidaia luzean zehar bi sexu ezberdinen arteko pertsonen adiskidetasunaz mintzatzen dira, biek ere zeharo iritzi ezberdinetakoak dituztela agerian geldituz: Harryren ustez gizon baten eta harentzat erakargarria den emakume baten arteko sexurik gabeko adiskidetasun soila ezinezkoa omen da, gizonezkoak buruan beti harekin oheratzeko desioa izango baitu; Sallyk aldiz alderantzizkoa iritzi du, alegia, sexurik izan gabe eta nahiz eta elkarren artean erakarpena egon, gizona eta emakumea adiskide izan daitezkela. Une batean Harryk Sallyrekin neskatan egiten ere saiatuko da, baina Sallyk ezezkoa emango dio. Honela, bidaia ezertan amaitu, elkarren artean agurtu eta bakoitza bere bidetik aldenduko da, batak bestearengandik ezer berezirik sentitu gabe.

Dena den, bien bizitzak aurrera egin eta urteak igaro ondoren, eta jada helduak etan langileak direla biak berriz ere topatu: oraingoan Harry bere emaztearengandik banandua dago eta Sallyk senargaia du baina biek harremana moztu egindo dute. Hortaz, Saly eta Harry berriz ere ezkongabeak izatean haien arteko adiskidetasuna mantendu, elkarren artean hobeto, bizitzaz eta gizon-emakumeen arteko harremanetaz saolastu eta sakonago ezagutzeko aukera izango dute.

Aktoreak

Billy Crystal: Harry Burns
Meg Ryan: Sally Albright
Carrie Fisher: Marie
Bruno Kirby: Jess
Steven Ford: Joe
Lisa Jane Persky: Alice
Michelle Nicastro: Amanda Reese
Kevin Rooney: Ira Stone
Harley Kozak: Helen Hillson
Franc Luz: Julian
Estelle Reiner: emakumezko bezero zaharra

Kanpo estekak

When Harry Met Sally... filmaren iragarkia ikusgai. Youtube.com (Ingelesez)
When Harry Met Sally... filmaren IMDBko fitxa irakurgai (Ingelesez)

Datuak: Q471169
Multimedia: When Harry Met Sally... / Q471169