Politsei

A politsei (faan ualgreks πολιτεία politeía 'stootsferwaltang‘, jüst so üs uun 'politiik') as en iinrachtang faan a stoot. Hat skal för at öfentelk seekerhaid an order surge, üüb a struatenferkiar paase an stroofen ferfulge. A politsei hää bütj tol an militeer at gewaltmonopool, det ment, bluas a politsei mut mä gewalt jin öödern föörgung. Hat as uk för en nuadfaal diar, an koon mä a tilefoonnumern 110 an 112 uunrepen wurd.

Uun enkelt lunen werke politsei an militeer muar tuup üs wi det wen san. An a politsei hää uk ei uun arke lun a salew apgoowen. Uun Sjiisklun san a apgoowen reegelt uun't politseirocht.

Bi a grensen werket en aanj politsei, det as a bundespolitsei. An üüb a struumer an bi a küsten werket uk en aanj ufdialang, det as a weedersjutspolitsei.

Neknöömer

A sjandaarmer, diar bi a politsei werke, het uk puutsen, an üüb en motoorwel wiar't witj müsen, auer jo iar witj tjüch uun hed.

Luke uk diar

Commonskategorii: Politsei – Saamlang faan bilen of filmer