Smart
 Söl'ring
|
| smart | |
|---|---|
| Inhaber | |
| Ön Gang braacht | 1994 |
| Produkti | Automobile |
| Markern | Hiili Wārel |
| Natsir | www.smart.de |
Smart (Ain Skriifwiis smart) es en Autofirma, wat di Daimler AG 1994 iipenmaaket heer.
Jest Taachten
[Bewerke | Kweltekst bewerke]Al leenger saacht di Autofirmen eeđer en gur Wain, wat litjer wiis skul üs en VW Polo.
Nicolas Hayek, diar di Swatch-Ker iipenmaaket her wil en Auto maaki, wat em sa üs uk en Jeremklok "jens efen" koopi kür. Jrest heer hi dit me VW forsaacht, man dit slaageti ek. Me Daimler saag dit beeter üt, man aur di Jaaren wiar em höm ek iinig, dat dit en Hybrid- of Elektrowain uur skul. Daimler saag niin Tökumst iin ön en Elektrowain. Sa heer Hayek al 1998 sin Öndiil ön di Firma tö Daimler forkoopet.
Di Smart-Autos waar fuaral me Bensiin- en Dieselmaskiinen forkoopet, man al tö't Jen fan 2019 skel di leest Bensiinmaskiin iinbecht uuren wiis. Dieselmaskiinen jeft et al leenger ek muar.
Elektrowainer
[Bewerke | Kweltekst bewerke]ED1
[Bewerke | Kweltekst bewerke]2006 kām di jest Elektrosmart (ED 1) üt, wat fan Ombechningsfirmen elektrifitsiaret uuren wiar. Des her ombi 30 kW Maskiinenkraft en kür me jen Leering fan sin Zebra-Baterii (Nātrium-Nickelkloriid-Seli fan 13,5 kWh) bit tö 115 km laap.
ED2
[Bewerke | Kweltekst bewerke]Fan di taust Smart-Bechningsreeg kām 2009 en smart ED 2 ("ED" üs "electric drive") me en Tesla-Baterii fan 16,5 kWh en 59 kW Maskiinenkraft her Des kür 112 km/h köör en noom ombi 12 kWh fuar 100 km.
Des Auto kür em ek koopi, diarme waar ön Berlin of bi RWE Saaken forsaacht. Leeterhen waar di Bateriien ütbecht en kām bi Remondis ön Lünen iin ön en Puferbaterii fan ombi 13MWh Kapatsiteet (Taust Bateriileewent).
ED3
[Bewerke | Kweltekst bewerke]2011 waar en auraarberti Versioon fan di ED 2 üs ED 3 fuarstelt. Di Maskiin her 50 kW en 130 Nm Draikraft. Di Baterii her 17,6 kWh, en diarme kür di Wain aur 140 km laap. Di Baterii kām fan Kamenz, hur di deutsche Automotive jam becht. Di ED 3 kür ön 4,8 Sekunden üp 60 en ön 11,5 Sek. üp 100 km/h sküüv. Di Gauhair wiar 125 km/h, fuar 100 km wiar ombi 13 kWh nöörig. Des Auto wiar dit trērbeest forkoopet Elektroauto (eeđer BMW i3 en Renault Zoe) ön Dütsklön, man dit waar dach 2015 fan di Marker nomen.
ED4
[Bewerke | Kweltekst bewerke]Üs ED 4 es 2016 di Elektroversioon fan di trēr Smart-Bechningsreeg (Smart 453 Fortwo ED 4/EQ) ütkemen. Des heer ön di Marts fan 2018 di nii Noom Smart EQ fingen en jert sa tö di Elektrowainer öner di Marki Mercedes-Benz EQ.
Di Maskiin kumt fan Renault ön Frankrik en heer 60 kW, 160 Nm Draikraft en uur bi 130 km/h ofrailet. Di Selen fuar di Bateriien fair di Deutsche ACCUmotive ön Kamenz fan LG Chem ön Koreea, wat en Fabriik ön Poolen heer. Fan 96 Stek uur en Baterii fan 17,6 kWh becht, hur di Smart ED 4 ombi 160 km me laap ken.
Dit Smart-Werk staant ön Hambach, Frankrik, man et jert tö di dütsk Firma Daimler.
Sent 2014 uur uk ön Sloweenien Smarts becht.
Fan 2022 ön wel Daimler töhop me di Kineesisk Firma Geely di Smart ön Kiina bech; Frankrik en Sloweenien skel techtmaaket uur.
Luki uk jir
[Bewerke | Kweltekst bewerke]
Commons: smart – Saamling fan Skelter en Videos- Offizielle Website, smart.de
Wääblink-kataloog tu Smart uun't Curlie Project (iar:DMOZ, üüb huuchsjiisk)
