Linux
Linux al è il non dal nucli (o par inglês kernel) di sisteme operatîf disvilupât in origjin di Linus Torvalds intal 1991 e dât fûr sot de licence GPL di GNU. Spes chest tiermin al è doprât ancje par indicâ il nucli plui lis utilitâts di sisteme GNU, ma une part de comunitât e critiche chest ûs, preferint il tiermin GNU/Linux.
Il non Linux al è simil a chel dal creatôr, ma in realtât al fo une sielte di Ari Lemke, l'aministradôr dal servidôr FTP là che e fo metude la prime version di Linux, e che al metè intune cartele cun chest non i files di discjamâ. Il non sielzût dal creatôr Torvalds al jere invezit Freax, une combinazion tra “free” (libar), “freak” e “x”, par indicâ che al jere un sisteme ispirât a Unix.
Vuê a esistin une vore di version (clamadis "distribuzions") GNU/Linux, che a àn la stesse base (il nuclei Linux), ma a son difarentis pal nivel di supuart (comerciâl o dome fats di volontaris), i programs disponibii e la lôr gjestion, la facilitât di instalazion e di configurazion, il fat di vê o mancul un servidôr grafic (che al è un servizi separât, e che sore a puedin jessi doprâts diviers ambients grafics, i plui famôs a son KDE e Gnome). Une impuartante difarence e je chê tra distribuzions comerciâls, gjestidis di impresis, e chês no; lis primis (par esempli RedHat, SuSE, Mandriva) dongje di une version gratis a ufrissin ancje versions a paiament cun plui supuart e software; lis ultimis (par esempli Debian, Gentoo, Knoppix) a son basadis dome sul lavôr di volontaris, ma a metin a disposizion dut il codiç sorzint.
Cjale ancje
[cambie | modifiche il codiç]Leams esternis
[cambie | modifiche il codiç]- (inglês) Linux Online
- (inglês) Il sît uficiâl dal kernel Linux
- (talian) Aquilee Linux Project
- (talian) Linux User Group di Pordenon
- (talian) Linux User Group de universitât di Udin
- (talian) Linux User Group di Gurize
