Hatsum

Hatsum is in buorskip tusken de Fryske doarpen Dronryp en Baaium, yn 'e gemeente De Waadhoeke. Foar de gemeentlike weryndieling fan 1 jannewaris 2018 lei it yn 'e gemeente Menameradiel. Hatsum falt ûnder de himrik fan Dronryp. De namme komt yn histoaryske boarnen ek foar as Hastzen, Hatsem, Hatzum.

Wurk oan 'e wei tusken Dronryp en Baaium, 16 july 1934.

Men wenne earder 'op Hatsum'. Dêr stie eartiids de Hobbemastate. Tsjintwurdich wurdt it sintrum fan 'e buorskip foarme troch it restaurant Op Hatsum. Dêr fuort njonken is it Stasjon Dronryp oan it spoar fan Ljouwert nei Harns, dat by Hatsum de wei fan Baaium nei Dronryp krúst. Ek is op Hatsum in maneezje fêstige.

Sjoch ek

• Fryske doarpen, buorskippen en delsettings

Boarnen, noaten en referinsjes

Boarnen, noaten en/as referinsjes:

Karel F. Gildemacher, "Friese Plaatsnamen", Ljouwert, Friese Pers Boekerij 2007, Hatsum