HarperCollins Publishers

	HarperCollins Publishers LLC
	algemien
nasjonaliteit	Amerikaansk ; Britsk
type	privaat
sektor	útjouwerij
haadkertier	New York (New York)
oprjochte	1989
eigner	News Corp
fuortk. út	Harper & Row ; William Collins, Sons
dochters	sjoch ûnder ymprints
	offisjele webside
	www.harpercollins.com

HarperCollins Publishers LLC is in Amerikaansk-Britsk bedriuw dat ien fan 'e fiif grutste útjouwerijen fan 'e wrâld foarmet (njonken de Hachette Book Group, Holtzbrinck-Macmillan, Penguin Random House en Simon & Schuster). It waard yn 1989 oprjochte as de útjouwerijdifyzje fan News Corp, en hat syn haadkertier oan Broadway 195 te New York.

Skiednis

Yn 1987 naam News Corp de Amerikaanske útjouwerij Harper & Row oer, dat in fúzje wie fan Harper & Brothers (oprjochte yn 1817) en Row, Peterson & Co. Nei't yn 1989 ek de Britske útjouwerij William Collins, Sons (oprjochte yn 1819) yn it besit fan News Corp kaam, waarden de beide útjouwerijen mei-inoar fúzjearre ta ien bedriuw, dat de namme fan HarperCollins Publishers krige. It logo fan it nije bedriuw wie ek in gearstalling fan it toartslogo fan Harper & Row en it fonteinlogo fan William Collins, Sons, en pleatst de flammen fan 'e toartse op 'e weagen fan 'e fontein.

Tsjintwurdich hat HarperCollins semy-selsstannich operearjende ôfdielings yn 'e Feriene Steaten, Kanada, Grut-Brittanje, Austraalje, Nij-Seelân en Yndia. Boeken wurde útjûn ûnder in grut ferskaat oan ymprints, dêr't sawol eigenoprjochte ymprints ûnder binne as oernommen útjouwerijen dy't earder selsstannige bedriuwen foarmen. Sa naam News Corp yn 1999 de Hearst Book Group oer, mei dêrûnder William Morrow & Company en Avon Books, en yn 2010 waard de skoalboeke-útjouwerij Letts & Lonsdale oankocht. Dizze útjouwerijen binne no ymprints wurden fan HarperCollins.

In oare bekende ymprint fan HarperCollins is HarperVoyager, foarhinne bekend as Voyager, de wrâldwide science fiction- en fantasy-ymprint fan 'e útjouwerij. Dêryn is de Britske ymprint HarperCollins Science Fiction & Fantasy kombinearre mei de Amerikaanske ymprint Eos, dy't earder ûnderdiel útmakke fan Avon Books. Fia HarperCollins Science Fiction & Fantasy, dy't Tolkien syn oarspronklike útjouwer George Allen & Unwin oernommen hie, hat HarperVoyager tsjintwurdich û.m. de rjochten op The Hobbit en The Lord of the Rings yn 'e hannen.

Ymprints

foar folwoeksenen

4th Estate
Amistad Press
Anthony Bourdain Books
Avon Books
- Avon Impulse (digitale ymprint)
- Avon Inspire
- Avon Red
- Avon Romance
Bourbon Street Books
Broadside Books
Collins
Dey Street
Ecco Press
Harlequin Enterprises
- Carina Press
- Harlequin Teen
- Harlequin Kimani Arabesque
- Harlequin Kimani TRU
- Harlequin Kimani Press
- Harlequin Luna
- HQN
- Mira
- Rogue Angel
- Silhouette Special Releases
- Spice
- Worldwide Mystery
Harper
- Harper Business
- Harper Design
- Harper Paperbacks
- Harper Perennial (oarspr. namme: Perennial Library)
  - Harper Perennial Modern Classics
- HarperLuxe
- HarperOne
- HarperVoyager (foarhinne Voyager; science fiction en fantasy)
  - Eos (1999-2011; no yn ûnbrûk)
  - Harper Prism (no yn ûnbrûk)
- HarperWave
Rayo
Igniter
It Books
- Newmarket Press
Mischief (digitale ymprint)
William Morrow and Company
- Witness
- William Morrow Paperbacks
- Morrow Cookbooks