Italjanen
De Italjanen binne ien fan de Yndogermaanske folken yn Europa. Italjanen prate ornaris Italjaansk en binne foar it meastepart roomsk.
Der binne nei skatting sa'n 100 miljoen Italjanen of minsken fan Italjaansk komôf. Mear as de helte dêrfan (60 miljoen) wennet yn Itaalje. Yn Switserlân wenje sawat 500.000 Italjanen en yn San Marino sawat 28.000. Lytse groepen autochtoane Italjanen wenje yn Frankryk (benammen yn de regio fan Nice), Sloveenje en Kroaasje. De oare 43 miljoen binne foar it meastepart Italjaanske emigranten en harren neisieten, dy't benammen ferspraat oer Noard-Amearika, Súd-Amearika en West-Europa libje.
Italjanen moatte net betize wurde mei Itaaljers, dy't yn it lêste millennium foar Kristus Itaalje bewennen, en dy't Italjaanske talen sprutsen.