Mesenich

	Mesenich
	Brauweiler Hof
	Emblemen
	Bestjoer
Lân	Dútslân
dielsteat	Rynlân-Palts
lânkring	Cochem-Zell
	Sifers
Ynwennertal	294 (2021)
Oerflak	2,98 km²
Befolkingsticht.	99 ynw./km²
Hichte	92 m
	Oar
Tiidsône	UTC +1
Simmertiid	UTC +2
Koördinaten	50° 05'N 7° 11'E
	Offisjele webside
	www.mesenich.de
	Kaart
	;

Mesenich is in Ortsgemeinde yn de lânkring Cochem-Zell yn de Dútske dielsteat Rynlân-Palts. Mesenich heart by de ferbânsgemeente Cochem en leit oan de rjochter kant fan de Mûzel.

Skiednis

It doarp waard foar it earst yn 1051 yn it ramt fan in skinking fan de poalske keninginne en paltsgrevedochter Richeza oan it kleaster Brauweiler by Keulen neamd. Yn it jier 1088 wijde de wijbiskop fan Trier de tsjerke fan Mesenich oan Sint-Nikolaas, de patroanhillige fan Brauweiler. De bân tusken it kleaster en Mesenich soene oant de Frânske tiid duorje.

Yn de rin fan de tiid waard de Nikolaastsjerke ferskillende kearen ferboud. Yn 1200 waard de romaanske toer fernijd. Yn de 18e iuw waard it barokke skip ynwijd. Ek de altaren datearje fan dy tiid.

De Frânske besetting makke yn 1794 in ein oan it lienstelsel en dêrmei ek in ein oan de bân fan it doarp mei de abdij. Fan de bannen tusken it kleaster en Mesenich tsjûget hjoed-de-dei noch it foarse letbarokke-klassisistyske tsiendehôf (Zehthof), dat noch jimmeroan it wapen fan de abdij Brauweiler draacht.

Njonken de wynbou en de lânbou libben de ynwenners eartiids fan de skipsbou. Njonken it wapen fan Mesenich en de patroanhillige Nikolaas op it wapen ferwiist it wapen nei dy skipsbou. Tsjinwurdich libje de bewenners fan de wynbou en it toerisme.