Voorst (gemeente)

Gemeente Voorst


(Flagge fan Voorst)		(Wapen fan Voorst)

Provinsje

Gelderlân

Boargemaster

Jos Penninx

Haadplak

Voorst

Oerflak
- wetter

126,52 km²
- 3,41 km²

Ynwenners

25.388

Ferkearsieren

A1 N344 N345 N789 N790 N791

Netnûmer

055, 0570, 0571

Postkoades

7382-7384, 7390-7391, 7395-7397, 7439

Offisjeel webstee

www.voorst.nl

Voorst is in gemeente yn Gelderlân. It leit tusken de Isel yn it easten, de gemeente Epe yn it noarden en de gemeente Apeldoarn yn it westen yn. De gemeente hat 25.388 (1 jannewaris 2024, boarne: CBS) op in oerflak fan 126,52 km². It haadplak fan de gemeente is Twello.

Yn de gemeente stiet û.o. it kastiel Nijenbeek. Voorst waard as gemeente yn 1811 opjochte, wêrnei't it op 1 jannewaris 1812 in grut diel fan syn grûngebiet ferlear doe't Twello en Wilp selsstannige gemeenten waarden. Yn 1818 ûntstie Voorst yn syn hjoeddeistige foarm doe't de doetiidske gemeente Voorst fúzjearre mei de gemeenten Nijbroek, Twello en Wilp.

Njonken it haadplak Twello lizze de folgjende doarpen yn de gemeente: Bussloo, Klarenbeek, Nijbroek, Terwolde, Teuge, Voorst, Wilp en Wilp-Achterhoek. Fierders hat de gemeente de buorskippen Appen, Duistervoorde, Gietelo, De Kar, Klein Amsterdam, Noord-Emp, Posterenk, Spekhoek, Steenenkamer, De Vecht en De Wijk.