Dún na nGall

Dún na nGall
	;
Suíomh
	54° 39′ 00″ N, 8° 07′ 01″ O / 54.65°N,8.117°W
Stát ceannasach	Éire
Cúige Éireannach	Cúige Uladh
Contae in Éirinn	Contae Dhún na nGall
Príomhchathair de	Tír Chonaill
Daonra
Iomlán	2,618 (2016)
• Dlús	987.92 hab./km²
Tíreolaíocht
Achar dromchla	2.65 km²
Airde	32 m
Sonraí stairiúla
Eachtra thábhachtach	Léigear Dhún na nGall
Aitheantóir tuairisciúil
Lonnaithe i gcrios ama	UTC±00:00
Glaochód	74
Eile
Logainm.ie	1414072
Suíomh gréasáin	donegaltown.ie

Tagraíonn an t-alt seo leis an bhaile darb ainm Dún na nGall. Fá choinne an chontae atá ainmnithe as, amharc ar Chontae Dhún na nGall

Is baile é Dún na nGall^[1] i ndeisceart Chontae Dhún na nGall i bPoblacht na hÉireann.

Stair

Roimh an 17ú haois déag, bhí an baile ina phríomhdhún ag clann Ui Dhomhnaill, rialtóirí stairiúla Tír Chonaill. Tá fianaise ann go raibh daoine ag cur fúthu ar an láthair roimh theacht na Críostaíochta. Meastar gur mar gheall ar dhún a bheith ag na Lochlannaigh sa cheantar a tugadh Dún na nGall air. Tugann na mílte cuairt ar Chaisleán Dhún na nGall gach bliain, caisleán a thóg Clann Uí Dhónaill sa chúigiú haois déag. Tá ballóga seanmhainistreach ann chomh maith, mar a raibh Ord na bProinsiasach. Rinneadh cuid mhaith den obair ar Annála na gCeithre Máistrí, ceann de na lámhscríbhinní stairiúla is tábhachtaí in Éirinn, sa mhainistir seo.

An Diamant i lár Dhún na nGall.

Nuair a theith na hIarlaí i 1607 tar éis chogadh fhada in aghaidh na Sasanach, tugadh an caisleán agus a thailte don Sasanach Basil Brooke, mar chuid de Phlandáil Uladh. Rinneadh an baile a leagan amach le cearnóg ina lár ar a dtugtar an Diamaint.

Inniu

Is ionad mór turasóireachta é an baile anois, é suite ag bun na gCruacha Gorma, agus in aice le cuid mhór tránna a mbíonn daoine ag tonnmharcaíocht orthu. Tá traidisiún láidir fíodóireachta sa bhaile agus sa cheantar máguaird, agus an-cháil ar chomhlacht Magee. Is ann atá ceannáras an nuachtáin an Donegal Democrat.

Tá Gaelscoil sa bhaile le tamall beag de bhlianta.

Tábla daonra

Taispeánann an tábla seo athruithe ins an daonra ins na blianta anuas:^[2]^[3]


Bliain	Daonra	Athrú	Athrú, %
2002	2,453	-	-
2006	2,339	-114	-4.6%
2011	2,607	+268	+11.5%
2016	2,618	+11	+0.4%

Tagairtí

↑ “Dún na nGall/Donegal | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.
↑ "Fíor Athrú agus Athrú Céatadáin sa Daonraó 2011 go 2016 de réir Liosta Bailte in Ord Aibítre, BliainDaonáirimh agus Staitistic - StatBank - sonraí agus staitisticí". www.cso.ie. Dáta rochtana: 2019-01-31.
↑ An Phríomh-Oifig Staidrimh (2012). "Census 2011 - Population Classified by Area" (as Béarla).

[Logainm-1] “Dún na nGall/Donegal | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.

[2] "Fíor Athrú agus Athrú Céatadáin sa Daonraó 2011 go 2016 de réir Liosta Bailte in Ord Aibítre, BliainDaonáirimh agus Staitistic - StatBank - sonraí agus staitisticí". www.cso.ie. Dáta rochtana: 2019-01-31.

[3] An Phríomh-Oifig Staidrimh (2012). "Census 2011 - Population Classified by Area" (as Béarla).

[1]

[2]

[3]