1679

1679 sa roun lannen koumin ki ka koumansé oun dimanch.

Évènman

• Févriyé : nésans atè Lahore di Ajit Singh, tiboug pòstim di Jaswant Singh. Li sa proklanmen raja di Jodhpur 26 mè-a. Aurangzeb ka propozé di roukonnèt so drwè-ya si li ka konvèrti so kò à lislanm-an, ki ka provoké lendignasyon-an dé Rajput ki ka révòlté so kò é ka roufizé di asèpté donminasyon moghol-a.

• 2 avril : Aurangzeb ka rétabli tags-a asou pa-krwayan annan lanpir moghol-a(jiziya).

• 7 out : Le Griffon, ki konstrwi pa èsploratò fransé-a Cavelier de la Salle sa pronmyé bato-a di enpòrtans ki lansé asou Gran Lak anmériken-yan. Cavelier de la Salle ka èsploré réjyon-an dé Gran Lak anmériken (notanman atchwèl Minnesota).

• 17 out : Aurangzeb ka rasanblé roun fòrt larmé pou anvayi Marwar.

• 22 sèptanm : vwayajò anglé-a Robert Knox ka évadé so kò di so prizon di Ceylan aprè 20 lannen di kaptivité.

• 12 ògtòb : Simon van der Stel ka divini gouvèlnò di kolonni-a di Kap (finisman an 1702). 600 Éropéyen ka viv alò o Kap.

• 25 désanm, Jamayik : koumansman di pronmyé vwayaj otour di monn di navigatò William Dampier (finisman an 1691).