1301

Sa paj ka konsèrné lannen 1301 di kalandriyé julyen.

Évènman

• 25 òktòb : pasaj di komèt-a di Halley.

Lazi

• Out : viktwè di gran khan Tèmur asou Qaïdu, ki ka mouri prè di Karakorum. So tiboug Djeper, dannyé khan di branch-a d’Ögödei, ka régné asou Tirkèstan oryantal jouk 1309.

Léròp

• 14 janvyé : lanmò-a d’André III di Ongri, dannyé dé Árpád, ka plonjé Ongri-a annan anarchi-a. Baron-yan ka afirmé yé pwisans. Oun rwè tchèk, Venceslas Přemysl, épi Othon Wittelsbach di Bavière, ka régné siksésivman jouk 1310, alò ki Charles-Robert d'Anjou, ajé di 13 lannen, ka rouvandiké tronn-an di pa so parenté ké Árpád-ya pa so gran-manman.

• 7 févriyé : Péyi di Gal ka divini prensipoté-a di prétandan pou tronn d'Anglétèr. Fitir-a Édouard II d'Anglétèr ka divini prens di Gal.

• 13 avril : lèt di pap Boniface VIII pou ékèktò di lanpir-a ka doumandé konparisyon divan li d'Albert Ie di Habsbourg, ki akizé di lèz-majèsté anvèr Adolphe di Nassau. Albert ka voyé oun anbasad pou pap-a pou tanté di fè kouronnen so kò lanprò atè Ronm. I ka pran so distans-ya ké rwa-a di Lafrans Philippe le Bel (So tiboug Rodolphe té épouzé so tifi Blanch).