1678

10 out-17 sèptanm : trété di Nimègue. Gravir é désen di Jan Luyken.

1678 sa roun lannen koumin ki ka koumansé oun sanmdi.

Évènman

Lafrik

• 29 out, Lafrik di Lwès-a : Konpagni néyèrlandé-a dé Lenn ògsidantal sa chasé di zil-a d'Arguin pa Fransé-a Ducasse.

• Kapital-a di Kongo, San Salvador, sa dévasté é abandonnen.

Lanmérik

• 11 mè : dézas dé zil d’Aves, o Vénézwéla. Disèt navir ké 500 maren fransé ki dirijé pa Jean D’Estrées sa pédi.

• 12 mè : lirwè-a Louis XIV ka pèrmèt à René Robert Cavelier de La Salle di èsploré parti ògsidantal-a di Nouvèl-Lafrans. Sala-a gen lèspérans-a di konplété èsplorasyon-an dé latè ki dékouvri pa Louis Jolliet.

• 10 jen : raid di kòrsèr Michel de Grandmont kont téritwar èspagnòl-ya di Vénézwéla. Li ka mété à sak Maracaibo (14 jen) épi Trujillo (31 out) ké La Guairaen 1680.

• 10 out : Lafrans-a ka òbténi Tobago o trété di Nimèg.

• 1e sèptanm, Kanada : Di Lhut, ki ségondé pa so frè La Tourette, ka pati di Montréyal pou angajé dé opérasyon koumèrsyal asou lak Nipigon é an bouchou-a di larivyè-a Kaministikwia.

• 8 désanm : èsploratò fransé-a Louis Hennepin ka dékouvri chit-ya di Niagara.

Lazi

• Janvyé, Java (Lendonnézi) : Rijcklof van Goens ka divini gouvèlnò jénéral di Konpagni néyèrlandé-a dé Lenn oryantal (finisman an 1681).