Edgar Ende

Edgar Karl Alfons Ende, nado en Altona (Hamburgo) o 23 de febreiro de 1901 e finado en Baiern (distrito de Ebersberg) o 27 de decembro de 1965, foi un pintor surrealista alemán e pai do novelista de literatura infantil e xuvenil Michael Ende.

Edgar Ende

Biografía
Nacemento	(de) Edgar Carl Alfons Ende 23 de febreiro de 1901 Altona, Alemaña
Morte	27 de decembro de 1965 (64 anos) Baiern, Alemaña (pt)
Causa da morte	infarto agudo de miocardio
Actividade
Ocupación	pintor
Familia
Cónxuxe	Luise Ende
Fillos	Michael Ende
Irmáns	Helmuth Ende
Páxina web	edgarende.de

Traxectoria

Primeiros anos

Ende asistiu á Escola de Artes e Oficios de Altona de 1916 a 1920. En 1922 casou con Gertrude Strunck, pero divorciouse catro anos despois. Volveu casar en 1929, o mesmo ano en que naceu o seu fillo Michael.

Anos do nazismo

Na década de 1930 as pinturas surrealistas de Ende comezaron a atraer unha considerable atención da crítica, pero despois foron condenadas como dexeneradas polo goberno nazi. A partir de 1936 os nazis prohibíronlle seguir pintando e expoñendo a súa obra. En 1940 foi recrutado na Luftwaffe como operador de artillaría antiaérea.

A maioría das súas pinturas foron destruídas por un bombardeo en Múnic en 1944, o que fixo que a súa obra de preguerra que superviveu sexa extremadamente rara.

Despois da guerra

En 1951, Ende coñeceu ao recoñecido fundador do surrealismo, André Breton, quen admiraba a súa obra e declarouno surrealista oficial. Continuou pintando obras surrealistas até a súa morte en 1965 por un infarto de miocardio.

Pénsase que as pinturas de Ende tiveron unha influencia significativa na escritura do seu fillo. Isto dedúcese nas escenas que representan as pinturas de soños surrealistas do Minroud de Yor en Die Unendliche Geschichte (A historia sen fin), e explícitouse no libro de Michael Ende Der Spiegel im Spiegel (O espello no espello), unha colección de contos baseada (e impresa xunto con) nas obras surrealistas de Edgar Ende.

Véxase tamén

• Lista de pintores alemáns
• Surrealismo

Ligazóns externas

• www.edgarende.de - Información ampla, incluíndo imaxes do seu traballo (alemán e inglés).