Milladoiro (grupo musical)

Milladoiro é un grupo musical galego de folk, creado no ano 1979. Está considerado como o máis internacional dos grupos galegos, e un dos máis importantes investigadores de novas sonoridades para o folk galego.

Milladoiro
Milladoiro en directo nas festas de Narón o 20 de xullo de 2008.
Orixe	Santiago de Compostela, Galicia
Período	1979–presente
Xénero(s)	Música tradicional galega, Folk galego
Selo(s) discográfico(s)	Sony
Membros	Xosé V. Ferreirós, Nando Casal, Moncho García, Harry.c, Manú Conde, Manu Riveiro
Na rede
milladoiro.gal

Historia

O grupo orixinouse cando Xosé V. Ferreirós, Nando Casal e Ramón García Rei, membros de Faíscas do Xiabre, xuntáronse con Antón Seoane e Rodrigo Romaní. Estes últimos xa publicaran un disco co título de Milladoiro, de referencias medievais, no que colaborara Ferreirós. Así mesmo, Seoane e Romaní colaboraran con Faíscas no seu disco In memoriam. A formación completaríase con Xosé A. Méndez, frautista procedente da música de cámara, e Laura Quintillán, violinista de orixe uruguaia. A súa primeira actuación foi o 15 de maio de 1979, no auditorio do Colexio dos Salesianos da Coruña, e nese mesmo ano editarían no seu primeiro disco, A Galicia de Maeloc (Ruada, 1980), cun repertorio artellado a base de música galega tradicional, composicións irlandesas e música composta polo propio Seoane.

Durante os anos o grupo foi evolucionando cara a unha música cada vez máis elaborada, de aspecto clásico, pero que mantén as súas referencias na música galega. Moitos dos seus traballos son resultado de encargos para institucións, bandas sonoras de películas ou música para exposicións, nos que tamén deixa pegada o folclore galego e irlandés. Os seus discos e directos manteñen a alternancia entre o repertorio máis folk e as pezas de carácter máis concertista. Milladoiro está considerado como un dos pioneiros da modernidade no folk galego, innovando nas combinacións instrumentais pouco habituais. Foi o primeiro grupo folk que gravou música acompañados de pandeireteiras, chegando mesmo a realizar a xira do seu décimo aniversario acompañados polas pandeireteiras de Mens.

O grupo ten colaborado con artistas como Paul Winter, Bill Whelan, Ana Belén, Paddy Moloney, Olga Cepa, Oskorri, Kathy Mattea, Susana Seivane, Anxo Pintos, Eileen Ivers, Rhonda Larson ou Liam O'Flynn. O grupo colaborou así mesmo nun episodio da serie Os celtas divírtense, gravado pola BBC en Galicia e Escocia.

Membros

• Xosé V. Ferreirós – gaita, mandolina, óboe, bouzouki, tin whistle e percusións (1978–presente)
• Nando Casal – gaita, clarinete, tin whistle, percusións, voz (1978–presente)
• Moncho García Rei – bodhran, percusións, tamboril e voz (1978–presente)
• Harry.c – violín (1998–presente)
• Manú Conde – guitarras, bouzouki (2000–presente)
• Manu Riveiro - acordeón, teclados (2013 - presente)

Formación orixinal

• Rodrigo Romaní: Arpas, guitarras, bouzouki, ocarina, arpa de boca e voz. (1978-2000)
• Xosé V. Ferreirós: gaita, óboe, tin whistle, mandolina, percusións e bouzouki. (1978-)
• Nando Casal: gaita, clarinete, tin whistle, cromorno. (1978-)
• Antón Seoane: guitarra, acordeón, teclados. (1978-2013)
• Xosé A. Méndez: frauta traveseira, frauta de pico. (1979-2013)
• Moncho García Rei: bodhrán, tamboril, percusión. (1978-)
• Laura Quintillán: violín. (1979-1980)

Antigos membros

• Michel Canadá – violín (1981–1991)
• Antón Seijo – violín (1992–1998)
• Roi Casal – arpa, bouzouki, ocarina, percusións (2000–2009)

Discografía

Álbums de estudio

• A Galicia de Maeloc (1980)
• O berro seco (1981)
• 3 (1982)
• Solfafría (1985)
• Galicia no país das maravillas (1986)
• Castellum honesti (1989)
• Galicia no Tempo (1992)
• Via láctea (1993)
• A xeometría da alma (1993)
• Iacobus Magnus (1994)
• Gallaecia Fulget (1995)
• No confín dos verdes castros (1999)
• Auga de maio (1999)
• O niño do Sol (2002)
• Adobrica suite (2002)
• 25 (2005)
• Unha estrela por guía (2006)
• A quinta das lágrimas (2008)
• Atlántico (2018)

En directo

• As fadas de estraño nome (1995)
• Milladoiro en Ortigueira (2016)

Recompilatorios

• A Galicia de Maeloc / O berro seco (1989)
• Todas sus grabaciones en CBS (1982–1986) (2002)

B.S.O.

*

La mitad del cielo

(1985)

Banda sonora da película de Manuel Gutiérrez Aragón.

*

Divinas palabras

(1987)

Banda sonora da película de José L. García Sánchez

*

La memoria fértil

(1987)

Banda Sonora

*

Os camiños de Santiago

(1993)

Banda Sonora da serie de TVE-TVG

*

El rey del río

(1993)

Banda Sonora da película de Manuel Guitiérrez Aragón

Colaboracións

*

Paul Winter

Solstice Live!

(1989)

Nando Casal interpreta Prelude: Marcha de San Benito

*

Bill Whelan

The seville suite: from Kinsale to La Coruña

(1992)

Outras obras

*

Travesías

(1998)

Obra para orquestra sinfónica

*

Gloria Tibi Sit

(1997)

Composición do himno da Universidade de Vigo.

Premios

• Premio Goya pola banda sonora da película La mitad del cielo (1986)
• Mención honorífica da Indie Award (en Texas, USA) (1992)
• Medalla Castelao (2004)
• Premio Trasalba (2006)
• Medalla de Galicia (2012)

Véxase tamén

Bibliografía

• Estévez, Xoán Manuel (1999). Milladoiro. Moito máis que un grupo de música folk. Vigo: Ir Indo Edicións. ISBN 84-7680-304-4. 
• Estévez, Xoán Manuel; Losada, Óscar (2000). Crónica do folc galego. Lugo: Tris Tram. ISBN 84-89377-26-X. 

• Pérez Pena, Marcos (2006). Milladoiro. A Galicia de Maeloc. Unha fotobiografía. Vigo: Galaxia. ISBN 978-84-611-1387-3. 

Ligazóns externas

• Páxina de Milladoiro
• "O bruxo da montaña", vídeo en Youtube
• "Alalá das Mariñas", vídeo en Youtube coa voz de Faustino Santalices.
• "O voo da pomba", vídeo en Youtube.