Visado
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2015.) |
Un visado é un documento emitido por un país dando a un certo individuo permiso para entrar no seu territorio por un certo período de tempo e para determinadas finalidades. Moitos países requiren a posesión dun visado válido como condición de entrada para estranxeiros. Os visados son xeralmente marcados ou anexados ao pasaporte do destinatario.
Algúns países, requiren que os seus nacionais ou mesmo os estranxeiros no seu territorio obteñan un visado de saída para poderen marchar do país.
Entrar nun país sen un visado válido ou realizar actividades non cubertas polo visado (por exemplo, traballar con visado de turismo), resulta na transformación do individuo nun inmigrante ilegal, xeralmente suxeito á deportación ao seu país natal.
Tipos de visados
editar
- de tránsito, xeralmente válido por tres días ou menos para pasar por un país de camiño a outro.
- de turista, para un período limitado de viaxe sen actividades de negocios permitidas. Xeralmente o único dado de balde. Algúns países, coma Kuwait, non emiten este tipo de visados.
- de negocios, de maior duración e máis fácil de renovar que un visado de turista.
- de estudante, que permite estudar nalgunha institución do país.
- diplomático, que confire á viaxe un status oficial. Normalmente só está dispoñíbel para visitas diplomáticas.
- de xornalista, en países coma Cuba, os EUA, Irán, Corea do Norte, Arabia Saudita ou Zimbabwe. En cada caso o non obter o documento correcto deriva na recusa da entrada ou a interrogación e deportación.
- de noivo(a), dado por un tempo limitado antes da data de casamento baseada en relación probada cunha persoa que teña a nacionalidade do país de destino (por exemplo, unha persoa do Brasil que desexa casar cunha da Arxentina).