Xaime Rei
Jaime Óscar Máximo Rey Barreiro, coñecido como Xaime Rei ou Jaime Rey, nado en Pontevedra o 16 de abril de 1938, é un político galego que foi alcalde de Redondela durante practicamente tres décadas.
| Biografía | |
|---|---|
| Nacemento | 16 de abril de 1938  (86 anos)Pontevedra, España |
 Alcalde de Redondela | |
| 1999 – 2011 ← Amado Ricón – Javier Bas Corugeira → | |
 Senador de España | |
| 1993 – 1996 | |
| Alcalde de Redondela | |
| 1979 – 1996 (moción de censura) – Amado Ricón → | |
| Actividade | |
| Ocupación | político, mestre |
| Partido político | Partido Socialista Obrero Español |
| Membro de | |
Traxectoria
editarMestre de educación primaria, Xaime Rei foi destinado a Redondela, onde nas primeiras eleccións municipais, os comicios locais de 1979 encabezou a candidatura de Unidade Galega[1] que lle permitiu facerse coa alcaldía.
Nas eleccións municipais de 1983 volveu ser reelixido, pero desta vez xa á fronte da candidatura do PSdeG-PSOE. Saíu reelixido con maioría absoluta en 1987, e en 1991, pero só acadou a maioría simple nas eleccións de 1995. Iso permitiulle a Amado Ricón, o candidato do Partido Popular, presentar unha moción de censura en 1996 e retiralo da alcaldía.
Porén regresou a ela nas eleccións de 1999, e revalidou a alcaldía tamén nas eleccións de 2003 e nas de 2007. Dado que estivo involucrado nun proceso xudicial do que foi absolto[2], decidiu non prensentarse ós comicios de 2011. No seu lugar o PSdeG-PSOE presentou como cabeza de lista a Eduardo Reguera[3] que non conseguiu a alcaldía, co que deu paso a un goberno do Partido Popular.
A súa política caracterizouse pola promoción da lingua galega[4]
Ademais, nas Xerais de 1993 encabezou a candidatura do PSOE pola provincia de Pontevedra ao Senado, pero só permaneceu na Cámara Alta durante unha lexislatura, ata 1996.
| Predecesor: Edmundo Fernández Estévez |
.svg){kind=small} Alcalde de Redondela 1979 - 1996 |
Sucesor: Amado Ricón |
| Predecesor: Amado Ricón |
Alcalde de Redondela 1999 - 2011 |
Sucesor: Javier Bas Corugeira |
Vida persoal
editarEstá casado e ten dous fillos.
Notas
editar- ↑ Sobre as primeiras eleccións democráticas e os homes que se presentaban ...nunha lista Arquivado 27 de decembro de 2013 en Wayback Machine., post do blog Falo de Redondela.
- ↑ Xaime Rei absuelto de prevaricación, Vigoalminuto, 21/01/2013.
- ↑ La asamblea del PSOE confirma a Eduardo Reguera como candidato a la Alcaldía, Faro de Vigo, 04/12/2010.
- ↑ El ejemplo de Redondela, El País, 17/05/1983.