Ardales
Ardales é un concello español da provincia de Málaga, na comunidade autónoma de Andalucía. Está situado nas estribacións setentrionais da serra das Neves na súa transición cara aos encoros do Guadalhorce e entre os concellos de Álora, Teba e Casarabonela.
En 2015 tiña unha poboación de 2.527 habitantes. Atópase a unha altitude de 445 metros sobre o nivel do mar e a 52 km da capital provincial, Málaga.
Entre os seus lugares de interese cabe destacar o Castelo da Peña, do século IX, o poboado rupestre de Bobastro, os encoros do Guadalhorce, o Caminito del Rey e a cova prehistórica Doña Trinidad.
