Acera de Recoletos

A Acera de Recoletos é unha das principais vías da cidade de Valladolid. Aínda que no rueiro oficial figure como rúa, é, en realidade, un paseo cunha ancha e única beirarrúa e a súa correspondente calzada que comeza na Plaza de Zorrilla, termina na Plaza de Colón e está delimitada, ao longo de todo o seu trazado, polo Parque do Campo Grande.

Nela atópanse edificios destacables como a Casa Mantilla e a Casa do Príncipe. Antigamente houbo outras construcións na rúa, hoxe en día desaparecidas, como os conventos dos Agostiños Recoletos, de Xesús e María e do Corpus Christi.