Agrupación de electores

A agrupación de electores, segundo a lexislación electoral española, é un conxunto de cidadáns que se asocia temporalmente co único fin de presentar unha candidatura a unhas determinadas eleccións. Para presentar candidaturas as agrupacións de electores necesitan presentar un número mínimo de firmas:

1. Para as eleccións ao Congreso dos Deputados e ao Senado o 1% dos rexistrados no censo electoral da respectiva circunscrición electoral (a provincia e as cidades de Ceuta e Melilla no caso do Congreso; a provincia, salvo no caso nas insulares, nas que a illa é a circunscrición electoral), tal como regula o artigo 169 da Lei Orgánica do Réxime Electoral Xeral.
2. Para as eleccións municipais (artigo 187 da Lei Orgánica do Réxime Electoral Xeral):
   1. En municipios de menos de 5.000 habitantes, o 1% dos rexistrados sempre que o número de asinantes sexa máis do dobre que o de concelleiros a elixir.
   2. Nos comprendidos entre 5.001 e 10.000 habitantes polo menos 100 firmas.
   3. Nos comprendidos entre 10.001 e 50.000 habitantes polo menos 500 firmas.
   4. Nos comprendidos entre 50.001 e 150.000 habitantes polo menos 1.500 firmas.
   5. Nos comprendidos entre 150.001 e 300.000 habitantes polo menos 3.000 firmas.
   6. Nos comprendidos entre 300.001 e 1.000.000 de habitantes a menos 5.000 firmas.
   7. Nos demais casos polo menos 8.000 firmas.
3. Para o Parlamento Europeo, 15.000 electores (artigo 220 da Lei Orgánica do Réxime Electoral Xeral).
4. Para as eleccións autonómicas depende da lexislación de cada comunidade autónoma, pero adoita ser o 1% dos electores da correspondente circunscrición electoral.

Véxase tamén

Ligazóns externas

• Texto refundido da Lei Orgánica 5/1985, de 19 de xuño, do Réxime Electoral Xeral