Aleixo II Comneno

Aleixo II Comneno

Nome orixinal	(el) Αλέξιος Β’ Κομνηνός
Biografía
Nacemento	10 de setembro de 1169 (Gregoriano) Constantinopla, Turquía
Morte	24 de setembro de 1183 (Gregoriano) (14 anos) Constantinopla, Turquía
Causa da morte	homicidio, asasinato político afogamento
Lugar de sepultura	Berlín
Emperador bizantino
24 de setembro de 1180 – outubro de 1183 ← Manuel I Comneno – Andrónico I Comneno →
Actividade
Ocupación	monarca
Familia
Familia	Dinastía Ducas-Comneno
Cónxuxe	Inés de Francia (1180 (Gregoriano)–)
Pais	Manuel I Comneno   e Maria de Antioquia
Irmáns	Maria Comnena Alexios Komnenos
Descrito pola fonte	Encyclopædia Britannica

Aleixo II Comneno, nado en Constantinopla o 10 de setembro de 1169 e finado na mesma cidade o 24 de setembro de 1183, foi emperador bizantino entre 1180 e 1183.

Traxectoria

Era fillo do emperador Manuel I Comneno e de María de Antioquía, filla de Raimundo, príncipe de Antioquía.

Á morte de Manuel en 1180, María, que fora enclaustrada nun convento co nome de Xene, proclamouse a si mesma rexente e deixou ao seu fillo en mans dos seus conselleiros, que fomentaron nel todo tipo de vicios, mentres que ela apoiaba o goberno do protosebastos Aleixo (un curmán de Aleixo II), que era abertamente o amante de María. O novo emperador e os seus amigos intentaron formar un partido contra a emperatriz nai e o protosebastos, e así, a súa irmá María, esposa do césar Xoán (Renier de Montferrato) incitou varias revoltas nas rúas da capital.

O partido do novo emperador foi derrotado (2 de maio de 1182), pero Andrónico Comneno aproveitouse das desordes para facerse coa coroa, e así entrou en Constantinopla, onde foi recibido con honores case divinos, e depuxo aos rexentes. A súa chegada foi celebrada cun masacre de latinos na capital, sobre todo de mercadores venecianos, que Andrónico non fixo nada por evitar. Permitiu que Aleixo fose coroado, pero o obrigou a aceptar que fosen condenados a morte todos os seus amigos, ademais da súa nai, a súa irmá e o césar, e non lle permitiu que expresase a máis mínima opinión nos asuntos de Estado.

O compromiso en 1180 entre Aleixo e Inés de Francia, que entón só tiña nove anos de idade, filla de Lois VII de Francia e a súa terceira muller Adela de Champaña, foi anulado. Andrónico proclamouse entón formalmente coemperador, e pouco despois, co pretexto de que un goberno dividido resultaba deshonroso para o Imperio, ordenou matar a Aleixo (outubro de 1183).

Imperio Bizantino
Segue a: Manuel I Comneno	Aleixo II Comneno (1180-1183)	Precede a: Andrónico I Comneno
	Dinastía Ducas-Comneno