Andoni Ortuzar
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2019.) |
.jpg) (2023)  | |
| Nome orixinal | (eu) Andoni Ortuzar Arruabarrena |
|---|---|
| Biografía | |
| Nacemento | 13 de xullo de 1962 (62 anos) Abanto y Ciérbana-Abanto Zierbena, España |
| Presidente do Partido Nacionalista Vasco | |
| 12 de xaneiro de 2013 – ← Iñigo Urkullu | |
 Deputado do Parlamento do País Vasco | |
20 de novembro de 2012 – 31 de xaneiro de 2012 – Josune Albizua Urrutikoetxea (en)  → Lexislatura: X lexislatura do Parlamento Vasco Circunscrición electoral: Biscaia | |
| Deputado do Parlamento do País Vasco | |
| 3 de abril de 2009 – 19 de novembro de 2012 Lexislatura: IX lexislatura do Parlamento Vasco Circunscrición electoral: Biscaia | |
 Presidente EITB | |
| 29 de xuño de 1999 – 18 de xuño de 2008 ← Iñaki Zarraoa (en) – Alberto Surio (pt) → Electo en: Parlamento Vasco | |
| Datos persoais | |
| Educación | Universidade do País Vasco |
| Actividade | |
| Ocupación | político, xornalista |
| Partido político | Euzko Alderdi Jeltzalea - Partido Nacionalista Vasco |
| Familia | |
| Fillos | Garazi Ortuzar |
 | |
Andoni Ortuzar Arruabarrena, nado en Abanto Zierbena (Biscaia) o 13 de xullo de 1962, é un xornalista e político vasco pertencente ao Partido Nacionalista Vasco (PNV), ex director de EITB, exmembro do Parlamento Vasco e presidente do PNV.
Traxectoria
[editar | editar a fonte]Naceu na localidade de Sanfuentes, Abanto Zierbena, na Zona Mineira de Biscaia. Estudou Ciencias da Información, rama xornalismo, na Universidade do País Vasco. Cando acabou a carreira entrou como redactor en Radio Popular de Bilbao e, posteriormente, en 1981 no xornal Deia onde se mantivo ata 1987. En Deia foi responsable das Seccións de Laboral e Euskadi-Política. Militante do sindicato ELA pertenceu ao comité de empresa dese medio chegando a ser presidente do mesmo.[1][2]
Actividade política
[editar | editar a fonte]En setembro de 1987 abandonou Deia e incorporouse ao Departamento de Presidencia, Xustiza e Desenvolvemento do Goberno Vasco como asesor encargándose da xefatura de prensa e das relacións internacionais. En febreiro de 1991 foi nomeado Asesor de Comunicación e Difusión na Secretaría da Presidencia e asignado á entón recentemente creada Secretaría Xeral de Acción Exterior. Desde 1992 desempeñou o posto de Coordinador desta Secretaría, con responsabilidades directas na preparación de misións institucionais vascas ao exterior e a programación das visitas oficiais a Euskadi de personalidades e mandatarios estranxeiros.
En xaneiro de 1995, dentro dun novo gabinete de goberno, ocupou o posto de Secretario Xeral de Acción Exterior, baixo a dependencia directa do lehendakari.
Tivo tamén as responsabilidades de Presidente do Consello Asesor Vasco de Cooperación ao Desenvolvemento, Vicepresidente do Consello Asesor coas Colectividades Vascas e membro da Comisión Bilateral Euskadi-Estado para Asuntos Europeos.
En xullo de 1999 é nomeado director xeral de EITB (a radio e televisión pública vasca), cargo que mantivo ata xaneiro de 2008 cando foi nomeado presidente do Bizkai Buru Batzar do PNV, o órgano de dirección dese partido en Biscaia, en substitución de Iñigo Urkullu.
En marzo de 2009 recolle a acta de membro do grupo parlamentario Euzko Abertzaleak-Nacionalistas Vascos no Parlamento Vasco, cargo que ocupa ata o 31 de xaneiro de 2012.
O 12 de xaneiro de 2013 é elixido Presidente do Euskadi Buru Batzar do PNV, cargo que revalidou no marco da Asemblea Xeral do PNV celebrada en Iruña os días 13 e 14 de febreiro de 2016.
Notas
[editar | editar a fonte]- ↑ Batzar, Euzkadi Buru. "Gure Burukideak: Andoni Ortuzar Arruabarrena". www.eaj-pnv.eus (en castelán). Consultado o 2019-01-18.
- ↑ "Andoni Ortuzar - Noticias, reportajes, vídeos y fotografías". Libertad Digital (en castelán). Consultado o 2019-01-18.