Aviron Bayonnais

Aviron Bayonnais

Nome	Aviron Bayonnais Rugby Pro
Unión	Fédération Française de Rugby
Fundación	1904; hai 120 anos
Sede	Baiona, Francia
Estadio(s)	Stade Jean-Dauger
Capacidade	16.934 espectadores
Presidente	Philippe Tayeb
Adestrador	Yannick Bru
Capitán	Antoine Battut
Liga(s)	Top 14
2018−19	3º (Pro D2, ascenso no play-off)
Casa Fóra
Na rede
https://www.abrugby.fr/

O Aviron Bayonnais (en éuscaro: Baionako Arrauna) é un equipo profesional de rugby francés con sede na localidade de Baiona (Pireneos Atlánticos, Nova Aquitania). Actualmente compite no Top 14, a máxima categoría do rugby francés. O equipo, fundado en 1904, xoga os seus xogos como local no Stade Jean-Dauger, recinto con capacidade para 16.934 espectadores. Entre o palmarés do Aviron Bayonnais destacan os tres títulos de liga conseguidos en 1913, 1934 e 1943. A súa mascota é unha pottoka, tipo de poni que habita a Cordilleira Cantábrica e os Pireneos. O equipo mantén unha forte rivalidade cos seus veciños do Biarritz Olympique, sendo esta unha das máis antigas de Francia.

Historia

O club foi fundado en 1904, xogando a súa primeira final en 1913, perdendo fronte ao S.C.U.F. por 31 a 8 no Stade Yves-du-Manoir. A liga nacional foi remplazada pola Coupe de l'Espérance durante a primeira guerra mundial. A competición foi xogada durante catro tempadas, nas que o Aviron Bayonnais chegou á última final, perdendo por 4 a 3.

Cando a competición francesa volveu ser xogada, o club chegou ata a final en 1922, na que se atopou co Stade Toulousain. O Aviron Bayonnais perdeu a final por 6-0. Os dous clubs encontraríanse novamente na final a seguinte tempada, na que Toulouse gañou novamente, desta vez por 3-0.

O Aviron Bayonnais acadou os seus maiores éxitos a mediados dos anos '30, gañando a Biarritz 13-8 en Tolosa para gañar o seu segundo campionato, e primeiro dende 1913. Tamén gañaron o Challenge Yves du Manoir en 1936, derrotando ao USA Perpignan na final. O club tivo uns resultados similares a mediados dos '40, chegando a dúas finais, gañando ao SU Agen en 1943 no Parc des Princes en París e perdendo en 1944 fronte ao Perpignan.

Dende os anos '40, o club non acadou máis éxitos ata os anos '80, cando chegaron novamente á final do campionato francés. En 1980 gañaron o Challenge Yves du Manoir, derrotando ao AS Béziers 16 a 10 para gañar o seu segundo título nesta competición. No campionato francés acadaron a súa última final en 1982, caendo derrotados polo SU Agen 18 a 9.

Palmarés

• Top 14:
  • Campión: 1913, 1934 e 1943
  • Finalista: 1922, 1923, 1944 e 1982
• Challenge Yves du Manoir:
  • Campión: 1936 e 1980
• Coupe de l'Espérance:
  • Campión: 1919
• Coupe André Moga:
  • Campión: 1995

Resultados das finais

French championship

Data	Campión	Finalista	Resultado	Estadio	Espectadores
20 de abril de 1913	Aviron Bayonnais	S.C.U.F.	31-8	Stade Yves-du-Manoir, Colombes	20.000
23 de abril de 1922	Stade Toulousain	Aviron Bayonnais	6-0	Route du Médoc, Le Bouscat	20.000
13 de maio de 1923	Stade Toulousain	Aviron Bayonnais	3-0	Stade Yves-du-Manoir, Colombes	15.000
13 de maio de 1934	Aviron Bayonnais	Biarritz Olympique	13-8	Stade des Ponts Jumeaux, Tolosa	18.000
21 de marzo de 1943	Aviron Bayonnais	SU Agen	3-0	Parc des Princes, París	28.000
26 de marzo de 1944	USA Perpignan	Aviron Bayonnais	20-5	Parc des Princes, París	35.000
29 de maio de 1982	SU Agen	Aviron Bayonnais	18-9	Parc des Princes, París	41.165

Challenge Yves du Manoir

Ano	Campión	Resultado	Finalista
1936	Aviron Bayonnais	9-3	USA Perpignan
1980	Aviron Bayonnais	16-10	AS Béziers

Coupe de l'Espérance

Data	Campión	Resultado	Finalista
1919	Stadoceste Tarbais	4-3	Aviron Bayonnais

Véxase tamén

Bibliografía

• Un siècle de rugby à Bayonne, de Manuel Castiella, éd. Atlantica, 2001

Ligazóns externas

• Site oficial (en francés)