Banana Yoshimoto

Banana Yoshimoto
Nome orixinal	(ja) 吉本ばなな
Biografía
Nacemento	(ja) 吉本真秀子 ; 24 de xullo de 1964 (60 anos); Bunkyō (Xapón)
Educación	Universidade Nihon (pt)
Actividade
Campo de traballo	Ensaio
Ocupación	escritora, ensaísta, prosista, novelista
Período de actividade	1986 -
Xénero artístico	Ficción especulativa
Obra
	Obras destacables (1988) Kitchen (pt) ;
Familia
Pai	Takaaki Yoshimoto
Irmáns	Yoiko Haruno
Premios
	(2022) Prémio Tanizaki (pt) ; (2000) Bunkamura Les Deux Magots Literature Award (en) ; (1995) Prémio Murasaki Shikibu (pt) ; (1989) Yamamoto Shūgorō Prize (en) ; (1988) Premio Izumi Kyōka; (1987) Kaien Shinjin Bungakusho (en) ;
Descrito pola fonte	Metzler Autorinnen Lexikon, (p.572–573) >>>:Yoshimoto, Banana (eigtl. Yoshimoto Mahoko)
Sitio web	yoshimotobanana.com

Banana "Nashe" Yoshimoto (よしもとばなな, Yoshimoto Banana^?) nada o 24 de xullo de 1964 en Toquio, é o pseudónimo de Mahoko Yoshimoto (吉本真秀子, Yoshimoto Mahoko^?), unha novelista xaponesa contemporánea.

Traxectoria

É filla de Takaaki Yoshimoto (coñecido tamén como Ryumei Yoshimoto, respectado e influente filósofo na década de 1960) e a súa irmá, Haruno Yoiko, é unha afamada mangaka no Xapón.

O seu amor pola natureza inflúe no seu nome artístico: ama as flores vermellas e carnosas do bananeiro, do que extraeu o pseudónimo co que se lle coñece no mundo: Banana.^[1]

A súa novela debut, Kitchen (1988), conseguiu un éxito inmediato tras a súa publicación, o que lle valeu máis de sesenta edicións só no Xapón.

Existen dúas películas baseadas na obra, unha delas un filme para a televisión xaponesa e a versión cinematográfica producida en Hong Kong en 1997, que tivo unha maior comercialización. Esta novela escribiuna cando aínda estaba a estudar na Universidade de Nihon, e con ela gañou o premio Newcomer Writers Prize en 1987, e o Izumi Kyoka en 1989.

A súa obra fórmana ademais as novelas N.P. (1992), Sueño Profundo (1994), Tsugumi (1994), Lucertola (1995), Amrita (1997), Sly (1998), La última amante de Hachiko (1999), Honeymoon (2000), H.H. (2001), La pequeña sombra (2002), Presagio triste (2003), El lago (2011), Recuerdos de un Callejón Sin Salida (2011). Ademais de novelas, Banana Yoshimoto escribiu varias recompilacións de ensaios, entre os que se atopan Songs From Banana Note (1991) e Yume ni tsuite (1994).

Os críticos valoran que moitas das súas obras son comerciais e superficiais, pola contra, os seus seguidores, moi numerosos, opinan que captura perfectamente o significado da frustrante vida dos mozos xaponeses de hoxe. As súas novelas sempre están impregnadas de moitos valores da ideoloxía xaponesa.^[1]

Obra traducida ao galego

Kitchen,^[2] traducido por Mona Imai.

Notas

↑ ^1,0 ^1,1 "El Portal de la Rosa de los Vientos". Arquivado dende o orixinal o 30 de xuño de 2016. Consultado o 23 de maio de 2016.
↑ "Libro Kitchen (gallego), Banana Yoshimoto, ISBN 9788493641320. Comprar en Buscalibre". www.buscalibre.cl (en castelán). Consultado o 2022-06-29.

Véxase tamén

Ligazóns externas

[:0-1] 1,0 ^1,1 "El Portal de la Rosa de los Vientos". Arquivado dende o orixinal o 30 de xuño de 2016. Consultado o 23 de maio de 2016.

[2] "Libro Kitchen (gallego), Banana Yoshimoto, ISBN 9788493641320. Comprar en Buscalibre". www.buscalibre.cl (en castelán). Consultado o 2022-06-29.

[1]

[2]