Bandeira de Etiopía
| Bandeira de Etiopía | |
|---|---|
 | |
| Características | |
| Uso | |
| Proporción | 2:3 |
| Adopción | 20 de agosto de 1996 |
| Cores | Verde Amarelo Vermello Azul |
A versión actual da bandeira de Etiopía foi adoptada o 6 de febreiro de 1996, aínda que a súa forma final estaba regulada por decreto dende 1986.
- O artigo 3. 1 da Constitución de Etiopía establece a forma da bandeira do estado (verde, amarelo e vermello sen máis precisións).
- O artigo 3. 2 establece que o emblema debe reflectir a igualdade das nacións, nacionalidades, pobos e relixións en Etiopía e a súa aspiración a vivir xuntos.
- O artigo 3. 3 establece que cada estado membro da Federación terá a súa propia bandeira e emblema; os detalles particulares os establecerán os seus respectivos parlamentos.
- a bandeira nacional regulouse de acordo coa proclamación 16/1996 do 6 de febreiro de 1996 que tamén estableceu o escudo. Esta proclamación entrou en vigor o mesmo día.
Descrición
[editar | editar a fonte]A bandeira de Etiopía está composta por tres franxas horizontais do mesmo tamaño: a superior é de cor verde, a central amarela e a inferior vermella. Na parte central, ocupando a franxa central e parte das exteriores, figura o escudo de Etiopía, formado por un círculo azul cunha estrela dourada de cinco puntas (como un pentagrama).
Cores e significado
[editar | editar a fonte]O significado das cores da bandeira foi variando ao longo do tempo. Actualmente a cor verde representa a fertilidade do país, o amarelo simboliza a liberdade relixiosa e o vermello evoca aos que morreron defendendo a integridade nacional.
A estrela dourada de cinco puntas do escudo representa a igualdade entre homes e mulleres, de tódolos grupos étnicos e relixiosos. Os raios que figuran entre as puntas da estrela reflicten o futuro brillante de Etiopía. A cor azul do emblema simboliza a paz e a democracia desexadas para o país.
Historia
[editar | editar a fonte]As cores panafricanas -vermello, verde, amarelo- teñen a súa base na bandeira etíope, unha das máis antigas do continente africano. O esquema tricolor da bandeira é moi antigo, anterior á creación do estandarte do Imperio de Abisinia. As tres cores tamén compuñan a bandeira creada en 1897, un ano despois da Batalla de Adua, na que os etíopes se defenderon do expansionismo colonial italiano.
Durante a existencia da monarquía etíope aparecía representado na bandeira un león coroado, coñecido como o “León de Judá” que portaba un estandarte cunha cruz incorporada no extremo do pau, símbolo do vínculo do país coa Igrexa Etíope Tewahedo.
Coa desaparición da monarquía etíope en 1975, a bandeira nacional contou cos mesmos elementos, mais o León de Judá foi retirado e non se incorporou ningún escudo ou emblema novo. Esta bandeira empregouse ata 1987 e, posteriormente, dende 1991 ata 1996.
Entre 1987 e 1996, no centro da bandeira figurou o escudo da República Democrática Popular de Etiopía, dominado por unha estrela amarela de cinco puntas situada na súa parte superior e rodeado por unha coroa ou grilanda vexetal.
Bandeiras históricas
[editar | editar a fonte]-
Pendente tricolor empregado por Etiopía dende 1496. -
-
Bandeira baixo o mandato da Derg (Comité Coordinador das Forzas Armadas, Policía e Armada Territorial) entre 1974 e 1987. -
Bandeira da República Democrática Popular de Etiopía (1987-1991). -
Bandeira de Etiopía (1975-1987 e 1991-1996).
.svg)
.svg)
.svg)
.svg)
