Bosaso
Localización | ||||
---|---|---|---|---|
| ||||
Estado | Somalia | |||
Regiões da Somália (pt) ![]() | Bari (pt) ![]() ![]() | |||
Capital de | ||||
Poboación | ||||
Poboación | 433.471 (2009) ![]() | |||
Xeografía | ||||
Parte de | ||||
Superficie | 12 km² ![]() | |||
Bañado por | Golfo de Adén ![]() | |||
Altitude | 15 m ![]() | |||
Comparte fronteira con | ||||
Creación | século XIV ![]() | |||
Identificador descritivo | ||||
Fuso horario | ||||
Outro | ||||
Irmandado con | ||||
Páxina web | bosasomunicipality.com ![]() |
Bosaso, en somalí Boosaaso e antes chamada Bender Qassim, é unha importante cidade portuaria do norte de Somalia.
Xeografía
[editar | editar a fonte]Bosaso está situada na costa meridional do golfo de Adén, no norte de Somalia, na desembocadura do wadi Baalade. É a capital da rexión de Bari, e exerce de capital económica de Puntlandia, un territorio oficialmente pertencente a Somalia, pero independente de feito.
Cunha poboación estimada en 2006 de 450.000, é unha cidade que multiplicou por dez a súa poboación nas últimas dúas décadas grazas á inmigración de persoas procedentes doutras zonas do estado. A maioría da poboación pertence ao subclán Harti dos Darood, se ben tamén existen outras etnias, entre as que destacan os árabes mehrís.
Está conectada por autovía con Garoowe e ten un aeroporto, o Aeroporto Bender Qassim e o maior porto de Somalia, en particular dende o estoupido da guerra civil en 1991. O porto ten un gran negocio de mercadorías e de repostaxe de combustible, pero tamén está considerado a base principal da pirataría no Corno de África, do comercio ilegal de qat e un punto clave da emigración ilegal ao Iemen e a Arabia Saudita. A pesca é tamén unha das actividades máis importantes.
Historia
[editar | editar a fonte]É posible que Bosaso se corresponda co Mosylon que aparece citado no Periplus Maris Erythraei, unha obra romana do século I, xa daquela como un porto de importancia. Conta a lenda que no século XIV un comerciante chamado Qassim se estableceu aquí. Así ao comezo a cidade chamouse Bender Qassim (Vilaqassim), aínda que logo mudaría para Bosaso, que disque era o nome do camelo do propio Qassim.
Nos anos oitenta o réxime de Siad Barre industrializou a cidade ao construír un porto moderno e mais a autovía que o une co resto do país. Durante a guerra civil que asolou Somalia na década dos do século XX, Bosaso foi un dos lugares menos afectados polos combates e medrou en importancia económica e en poboación. Con todo, os enfrontamentos armados foron correntes e en maio de 2002 o coronel Abdullahi Yusuf Ahmed deu un golpe violento en Bosaso[1] que substituíu a Jama Ali Jama da presidencia de Puntlandia.
Bosaso e Galicia
[editar | editar a fonte]O 26 de novembro de 2008 o fotoxornalista galego Xosé Cendón foi secuestrado[2] na cidade mentres facía unha reportaxe sobre pirataría.
Notas
[editar | editar a fonte]- ↑ Bosaso falls to Somali warlord, BBC, 8/5/2002 (en inglés)
- ↑ "Cendón e o seu colega foron secuestrados polos intérpretes que os acompañaban". www.vieiros.com. Consultado o 2020-01-15.