Cabeza de cobra

Aristoloquia paucinervis
Aristoloquia paucinervis na Dehesa Boyal de Puertollano (España)
Clasificación científica
Reino: Plantae Subreino: Tracheobionta División: Magnoliophyta Clase: Magnoliopsida Subclase: Magnoliidae Orde: Piperales Familia: Aristolochiaceae Xénero: Aristolochia Especie: 'A. paucinervis'
Nome binomial
'Aristolochia paucinervis' Pomel

A cabeza de cobra, esterloquia, ou aristoloquia, (Aristolochia paucinervis) é unha herbácea da familia das aristoloquiáceas.

Detalle da flor

Caracteres

Planta herbácea e vivaz que forma unha pequena tuberosidade subterránea, da que parten numerosas raíces de cor ocre claro, que se fincan verticalmente no chan. Os talos, de 30-40 cm, desenvólvense en zigzag. Nos cóbados levan senllas follas glaucas, alternas, pecioladas, acorazonado-triangulares, coas marxes finamente dentadas e rugosas polo envés. As flores aparecen solitarias nas axilas das follas, sostidas por un pedúnculo moito máis longo que o rabiño foliar; teñen cor pardusco, co beizo superior púrpura escuro. Froito globuloso, con 6 liñas de cor verde intensa que o percorren lonxitudinalmente. Florece na primavera.

Distribución e hábitat

No Mediterráneo, Península Ibérica e en Macaronesia. Habita en cultivos, matogueiras aclaradas e zonas ruderalizadas. Xeófito.

Usos

As súas infusións son excitantes, chegando a ser tóxicas a doses elevadas.

Taxonomía

Aristolochia paucinervis foi descrita por Auguste Nicolas Pomel e publicada en Nouveau Materiaux pour la Flore Atlantique 1: 136. 1874.

Etimoloxía

Aristolochia: nome xenérico que deriva das palabras gregas aristos ( άριστος ) = "que é útil" e locheia ( λοχεία ) = "nacemento", polo seu antigo uso como axuda nos partos. Porén, segundo Cicerón, a planta leva o nome dun tal "Aristolochos", que a partir dun soño, aprendera a utilizala como un antídoto para as mordeduras das serpes.

La aristoloquia se llamó ansí por parecer que a las mujeres socorría en el parto........La redonda tiene virtud contra todas las otras ponzoñas; mas la luenga resiste el daño de las serpientes y de cualquier veneno mortífero si se bebe una dracma della con vino y se aplica también por de fuera. Bebida con pimienta y con mirra expele el menstruo, las pares y la criatura del vientre; y lo mismo hace metida en la natura de la mujer. Pedacio Dioscórides Anazarbeo, acerca de la Materia Medicinal y de los venenos mortíferos. Andrés Laguna. 1566, Salamanca.

La aristoloquia se llamó ansí por parecer que a las mujeres socorría en el parto........La redonda tiene virtud contra todas las otras ponzoñas; mas la luenga resiste el daño de las serpientes y de cualquier veneno mortífero si se bebe una dracma della con vino y se aplica también por de fuera. Bebida con pimienta y con mirra expele el menstruo, las pares y la criatura del vientre; y lo mismo hace metida en la natura de la mujer. Pedacio Dioscórides Anazarbeo, acerca de la Materia Medicinal y de los venenos mortíferos. Andrés Laguna. 1566, Salamanca.

paucinervis: epíteto latino que significa "pouco veteado".

Sinonimia

• Aristolochia longa subsp. paucinervis (Pomel) Batt.